04/11/2006
WECHE MOKADHO
JEXJALUO ****
;
NYANZA-
Riwruok mag weg ohala e boma ma Kisumo,osesiro chenro mag migawo ma otenore kod solo osuru e piny Kenya kuom tiyo kod masin mabende ong'ere kaka 'Electric Tax Register'. Jagoro mar riwruok no migosi Edward Juma nyolero ni masin makama biro konyo e yor ng'eyo johala mar adieri kod jomecho.
BUSIA-
Kansinde moko ariyo nyocha oter e nyim od ng'ado buche ma Busia ka odonj negi kuom keth mar puodo kendo nyong'o ahinya japuonj moro ma a e gwenge go. Kata kamano migosi Hamprey Kipande kod Wilfred Nekesa nye okwedo keth e nyim doho no. Nyoduok gi e od ang'ech nyaka chop chieng' winjo buchgi juma ni.
RANGWE-
Piny owacho osechako chenro mag keyo sitima e gwenge ma Rangwe. Ma en chenro mayande osesing kod piny owacho mar 'Nark' e bwo chenro ma bende ong'ere gi dho welo ni 'Rural Electrification'. Ka bende jolimbe ma owuok e migawo mar sitima nyosechako timo nonro e chirni kod gwenge matindo kaka Majiwa,Marindi kaachiel kod Lela, mabende nyotelie kod jaod bura ma gweng'no migosi Philip Okundi.
HOMA BAY-
Obila e gwenge ma Homa Bay gi esechegi manyo miyo moro ma ichich ni yande oseyo kod manyonge rawera moro ma ja kilas abiriyo mit odak kode kaka jaode kuom dweche adek ma ose kalo kae to ojwang'e. Miyo ni mayande tiyo kod riwruok moro ma ok mar piny owacho bende ichich godo ni osemiyo rawera no tuoche mag nyaye. Obila ma Homa Bay osekwayo oganda madibed kod ler manyalo konyo mak mar miyono mondo oyie otudre kod obila.
NYANZA-
Piny owacho oseluwo ni oseketo tenge manyonge tara piero adek ma ibiro sir godo nyithind kiye e luo Nyanza. Kata kamano pok oler ayanga ratiro ma ibiro tiyogodo e keyo manyonge gieki.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com
wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.