04/12/2006
WECHE MOKADHO
JEXJALUO ****
;
NYANZA
Oganda ni kod buok kod kuyo maratipo e pachoka kalure kod masira mar ndek kalapapla okinyi manyoro. Masirani manye otimre e gwenge ma Moyale nyonego jotend migepe buora ka bende oganda luo nyowito wuowi ma ongirore migosi John Ouma, manye en jariemb ndege e migawo mar lweny e pachoka. Mabende nyoyudo hinyruok e oganda luo nye en migosi Patric Osare ma en jaduong' gwenge ma north eastern kata'Provincial Commissioner' kendo aa e gwenge ma Uyoma. Kata kamano gi esechegi pod odhi nyime kod yudo thieth e od thieth ma Nyorobi. Jotelo gi nyoriko dhi e chenro mag temo loso kwe e kind oganda ma osebedo ka ni kod gwandruok e gwenge ma Moyale kod Marsabit.
Jotelo kod jo ut bura e gwenge ma Nyanza osegoyo mos ahinya ne owete,osiepe kod wede joma nyowito ngimagi e masira manyoro mar ndek kalapapla. Jotelo gi gin migosi Philip Okundi mar Rangwe, Paddy Ahenda mar Kasipul Kabondo, Gor Sungu mar Kisumo ma nyandwat kaachiel kod Erick Opon mar Nyando. Bende jotelo gi nyolero ne oganda man kod kuyo ni gin kod gi e kanyakla e kinde gi mag kuyo
MIGORI
Jo ut bura ma Uriri kod Migori, migosi Odhiambo Mamba kod Owino Likowa, nyokwayo ahinya jotelo ma otenore kod riwruok moro ma dendore ni 'Orange Democratic Movement' mondo omi obed ka tiyo kanyakla ma ok mana gwandore e lela kinde ka kinde moloyo to esechegi ma gi chomo chenro mag sidho jal mabiro tingo' mandech riwruokno e laro kom ker higa manyien.
BONDO
Ja od bura ma bondo migosi Oburu Odinga oseseyo ahinya jotelo mag duond bura maong'ere kaka 'Liberal Democratic Party' ni ka ok gi tang' to pogruok e paro e kind thuondi mag burano migosi Raila Odinga kod Kalonzo Musyoka nyalo biro kelo barruok ne duond bura noero. Kabende omedo ni ng'ato ang'ata ni madiher chungo e lo burano ni kod thuolo mar golo pache kendo yudo sith koa kuom jokanyo mag burano.
---------------------------------------------------------------------------
Riwruok mar jopuonj ma bende ong'ere kaka 'K.n.u.t' bade ma Bondo, osechano ng'anyo maratipo odiochieng' ma kawuono ka gi kwedo okang' ma osebedo ka ikawo kod jal ma ochung' e lo somo e gwenge go kata 'District Education Officer' mikayi Nerea Olik mar chungo kata riembo e tich jogo ma siro jotelo moko mag riwruokno. Magi nye oler kod jagoro mar riwruokno migosi Chrisphine Adede mabende nyoleroni ng'anyo makama nye oseler ne obila e yor arita mag kue.
BOMACHO-
Rawera moro nyopuod nyowuoyo mit owang' e seche manye otemo mayo kod ang'enge miyo moro e gweng' ma Bomacho ei Kisii kocha. Oganda manye ni kod ich wang', nye omake rabidhi mit opwode ma kata obila manye ochopo mondo omi orese nye oyudo mana mirni.
KIHANYA-
Miyo moko ariyo nyong'ielo orengo kalure kod tuo ma ichich ni dipo ka en tuo ma ong'ere gi dho welo ni 'Menengitis'. Ma bende lure kod tho mag nyithindo moko e gweng' no e yo ma ok ong'ere maler. Kata kamano ringre go nye oseter e od thieth ma Nyabokarage e kama obiro timonegi e deng'o makende mar temo yudo tiend thog no
WECHE TUKE-
Tim mar adhula mar joniang' ma dendore ni Sony Sugar nyoro orodho tim mar jo bengi kata Kenya Comercial Bank gol achiel kuom ling' thi e paw tuke ma Awendo. Ka bende gondni nyonyum kod jakombora manimba Salim Babu. Bende ruodhi machon Gor Mahia nyoro achwado tim jo niang' machielo ma dendore ni Chemelil Sugar gol achiel kuom nono. Ma en piem mar 'Primear Legue' ma oriwo timbe maopogore opogore e pachoka.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com
wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.