JALUO dot KOM

Penjo kod Duoko

 DUOKO:(Nyadendi Elizabeth Agutu) Mikayini penjo nito bende nitiere kama onyalo somoe dholuo e rang'iny ma malo nimar kaneno nyinge to ochalo gima en nyar Luo to kata kamano aparoni osiepne moro ema dwaro somo dhowa, koro wan kaka jodong ABILA to waonge gi kama inyalo some dholuo mak mana kadi poni idak machiegni gi achiel kuom jodong Abila to inyalo yudo resruok, kaok kamano to nyaka idhi mana kaluo pacho ema inyalo yudo joma puonjo dhokni.

 Nyorobi Buore Kapango (Nairobi) to nitiere kuonde buora ma ng'ato nyalo somoe dholuo, inyalo manyo nonro mar Language Centre mantie, Bishop Road, machiegni gi od NSSF, kanyo ibiro yude puonj mong'ith. Erokamano nyar Lowo Rateng.

Kata kamano ka nitie ng'at moyie puonjo nyathiwani to nyalo timo gima nyasi ahinya. Inyalo somo weche mondiki gi dho ngere piny kanyo kato ulokna gima owacho an bende dhokno otamo wang'a ei ABILA ka, amanyo ng'at ma nyalo lokonago e dholuo.

"Hello 

 I have a friend interested in learning the Luo
 (Dholuo) language. 
 Do you have some courses on this language?
  Do you know any books which could be of interest in
learning Luo?
 Or, do you know other places in Nairobi where they
 have a course on the Luo language/could get help in
 learning the language?
 I would be grateful for your reply."
 
 Yours sincerely,

 Elizabeth Agutu

Pidho rachijwa kod Arus mar joluo

Daher mar winjo pachu kuom wechegi kato bang'e jodong ABILA biro golo pachgi kaluwore gi wachno. Kain kod paro moro maber kuom wachni to inyalo oronwa kata ne Nyar Kusa e nonde man mwalo kanyono.

An gi penjo. Apenjo ni "pidho rachijwa" en ang'o?

Penjo Mar ariyo - Joluo ne timo Arus nade? Daher ng'eyo kaka budho ne chalo kendo kaka nyako ne iruako e dala.

Erokamano

An Anyango Nyar Kusa

LOKO WECHEGI E DHO NGERE

PENJO: Nyadendi Beatrice Okeyo kwayo nito bende nitiere kaka inyalo lok wechegi e dho-ngere nikech ok onyal somo dhokni, kata kamano aparoni en nyar Luo gi tiende kaluwore gi nying' ma aneno ka en godo, samoro bende nyalo bedo ni noyudo nying'no to en ja dhoot machielo, joluo bende nitie mathoth man'gi nying jorachere, omiyo daher mondo ng'at manyalo konyo nyadendini kuom loko wechegi e dho wagunda mondo otudre kode e nonde kata iornwa kato wabiro orone.

DUOKO: Ooyo, onge kaka wanyalo loko wechegi e dho ngere nimar maeni en kar romo mar nyikwa Ramogi kendgi, omiyo welo to nyalo mana limowa to bang'e to gidok thuchegi. 

Limbe ber gariyo, jaluo dot kom onge gi joma ondiki machamo masara manyalo tiyo tich loko wechegi duto e dhok machielo, jogo maok winj dholuo nyalo yudo weche machuok e kar romo mar JEXJALUO. 

Donge inyalo dhi e kar tiegruok mar somo dhokni en dhok ma mit ngano! Med somo kodwa. Nitiere buge moko manyalo konyi kuom somo dhokni inyalo temo penjo e kar ng'iewo buge (bookshop) machiegni kodi Many buk mondiki gi A.N.Tucker miluongoni; A grammar of Kenya Luo (dholuo)

I am currently doing my masters program and I am
interested in knowing the luo culture. Is it possible
for me to have this in English rather than in Luo
since I am not conversant with this language?

Sincerely,
Beatrice Okeyo.