02-08-2000
SIGENDNI LUO
SIGAND OPUK GI AKURU
Chon gi lala opuk kod akuch odulga ne gin osiepe mangita gi del.
Ne gidak
gi kwe ka gipuonjore kendo ging'adore rieko kanyakla. Ne githoro
limore
makmana ni monde gi emane jochwanyogi kane gigoyyo mbaka-gi giwegi.
Cheing' moro achiel akuru nodhi limo opuk. Kuom hawi maber, noyudo ka
chi
opuk onge kendo cheing'ono mbaka nodhi nyawang' achiel makata ng'ama
ng'adogi e wach ne onge,Akuru be mor kod mbaka machieng'ono mi nopenjo
opuk niya"Osipna to kawuono jaodi odhi kanye ma wabudho makata
ng'ama ng'ado dhowa ongeni? Opuk noduoke "Oseipna in ng'at
mawagenorego ma ka wach dhako ema diketha kodi mi bedni kata mbaka ok
wanyal goyo maber, thoo! ajok kendo nyoro asenego dhakono".
Akuru notimo mos ahinya kuom winjo wachno. Opuk to notemo nyise marach
ni kik odew ahinya mimar en tinde ekaoyudo thwolo mar cham ngima gi
nyadendi gweng". Akuru ilo nomako mi nogeto kit dak ma
osiepne nodak godo. Nong'ado ei chunye no obende nyaka otim mana
kata osipne osetimo.
Kane odok dala, nochako kwinyo chiege gi mar oyiem. Miero
nochakore e
kindgi mi nogoyo dhano motho tikli. Ka mach momwochie olemo,
wachno
molandore e gweng' mi nyiri duto koro noluoro akuru ma ka ginene to
giringo
aringa. Bang' ndalo manok, akuru nodhi limo opuk, mondo opakre
ne kuom tich mosetimo. Ka nondojoe dala maduong'o dhoot, chi
opuk emane oywuone thigo.
Nobuok kogoyo nduru matek, "Uuuwi,Uuuwi, opuk omera dhani oduogo
kod chien e dalani ka,Uuuwi, jadilere!".
Opuk nowinjo koko mowuok oko. Nonyise ni mano ok jachien
"En mana jaoda ema ineno-no. Yande otho to
osechier".nokone ni, "mon chierga kamano pile".
Akuru nong'eyo no osiepne ose tiyo kod mirasia, omiyo nowuok kanyo
kodhi
dalane ka chunye opong gi mirima. Godiechiengno, akuru nobedo gi
kuyo
malicj ahinya ndalo duto. Nong'ado manyinya ni ok newuonde gi
dichwo moro kendo. Omiyo winj akuru osiko ka chiedho gi mondgi
kang'wen.
Ka nywawadgi otho to oyud dhako machielo nimar moko ong'eyo ang'eya ni
onego chiege, bange'eno dichwo bende ok dagi aminga' ka pok otho.
Tinde kaji doyo kamoro amora to iwino ka akuru wero chiege maneonego
ni."Opuk owuonda ago chiega nyakajulu atho tiyo*2
(Jandiko en NICK Nyakwar Obere, ka en e
Boma ma Kisumo)
Ka in gi mari moro ma di wandik
ka to orni
Akelo,Nyar Kager
jaluo@jaluo.com
Daher winjo dwondi in
bende, iwinjo?
