AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

 
  
 

THUOLO EN GIMA BER

An aparo ni Luxembourg en achiel kuom pinje ma ne oneno ni bet Thuolo en
gimoro ma ber. To ok kware gi daye Joluo ne owacho ni ng’ato ber gi dala
mare owon?  Dala ma oluongo nyinge kendo onyalo lose ngima mare gi yorene
duto, e yo ma en owon odwaro kendo ohero.  Adiera, to mana kaka dhuondi
ariyo ok riw ei osero achiel, oganda bende ber ka nikod pinygi margi giwegi.
Joluo ber mondo obed gi pinygi giwegi. Piny ma iluongo ni Pinyluo.  Ok Joluo
machon ne owacho ni mon ariyo ok riw dak ei ot achiel?  To ka mano en ye
wach, to en ang’o ma omiyo wiwa tinde wil gi puonj mar kware gi daye Joluo
machon? Wach ma ni kare ahinya. Dhako ka dhako to nyaka bed mana gi ode, ma en mare owon.  Ode ma opuonje nyithinde puonj mare gi mar kwarene gi dayene.
  Ok puonj mar nyar piny moro nono.  Piny bende en mana dhako ma nikod neno mare.  Piny ka piny nikod kite to gi timbene. En gi puonj to kod tet ma
opogore gi mag pinje kata oganda moko nono.
Wechego duto ema kelo kwe to kata dongrok.  Oganda ma onge pinygi lal chuth. Omiyo dwarore ni oganda duto bet kod Piny margi ma ni Thuolo chuth.

Oganda Luo nyaka to ng’e ni Ripoji (Republic) en gima dhano ema oloso.  
Tiende ni Ripoji en gimoro ma bade lach ahinya. Kendo, chopo kar maRipoji
keyo kendo nyono oganda.  Teko Ripoji nyalo hingo mar oganda ma ohiny dak mar anyualo ka omiyo jodak ma oa woko Piny gi teko ma ok  margi.  Ripoji  to  teko mare ni ei chik mang’eny ma oloso kendo oloro kodo dho anyuola.
Ripoji teko mare ni ei chik ma ka ose loso to rucho kido to kod timbe mag
oganda.  Ripoji (Republic) to twech to kod hinyo ema obuogo kodo anyuola ei piny.  To kata kamano, mago duto omoro kodo jodak ma obiro ma ong’iewo piny ma koro gimako matek. Mano ema omiyo Joluo nyaka to ng’e ni Ripoji (Republic) en mana achiel kuom yore ma oganda mag piny nyalo loso kodo dak mar pinygi.

Luxembourg en piny matin ahinya ma oganda mare gin machiegni 460,000.  
Chiegni ni wan Joluo wang’eny ma ohingo jopiny Luxembourg.  Duong’ mar
pinyno bende nenore ni tin ma ohingo marwa.  To kata kamano pinyno ose luwo yo ma oriere ahinya kendo ma ni kod Thuolo. Aparo ni wan Joluo owinjore mondo wapuonjre yo mar yudo Thuolo kendo kelo dongrok Pinyluo e yo ma Pinylux otumo.  Dak e tiend jomoko nono e yo ma kindeni Pinyluo odakyeni ok ber.  Pinje moko bende ma wanyalo luwo yo margi en Monaco kar achiel gi Switzerland.  Pinjego duto tindo to ni kod Thuolo, to kata dongrok ahinya.  
Ok wanyal golo Pinyluo ei Ripoji (Republic) ma entieye kindeni ka ok watimo
kinda kaka Joswiss to kod Jomonako ne otumo.

http://www.gouvernement.lu/tout_savoir/histoire_monarchie/histoire.html

QUOTE:
Le traité de Londres de 1867 garantit une indépendance perpétuelle à un
Luxembourg neutre.

UNQUOTE.

Winjrok mar London mar 1867 ne omiyo Pinylux thuolo ma nyaka chieng’, kar achiel gi bet woko mar lweny moro amora e pinje duto.

Anyango Nyaluanda

Ka in gi mari moro ma di wandik ka to orni
Akelo nyar Kager
jaluo@jaluo.com
Daher winjo dwondi in bende, iwinjo?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK