02/21/2006
GRANTS
WECHE MOKADHO
;
WUONDRUOK OK WADWAR E RITO PINY
NE WUON ABILA,Piny owacho ni yawa ma ose bedo jomecho koro nyaka ketie od angech. Piny owacho ok ose ling to jopiny yande ongeyogi maber sidang. Jogi ne okawo tich ka gin gingeyo malongo ni en mana kuo kod maundo. Piny owacho koro ose kawonegi ondamo motegno kendo koro uneno ka ka luoro omakogi. Pod piny owacho rito mondo gi ne kaka jotend piny biro timore kodgi. Gima ose bedo katimore Epiny marwa ma Kenya ni jotelo ose bedo ka ochayo jopiny ahinya. Nitie wang teko ma yawa ma onengo obed ni telonwa ose bedo godo. Wase bedo kod jotend piny ariyo kendo koro wan kod mar adek. Mokuongo Ne en Otike, mar Ariyo nyocha en wuod Baringo, koro sani wa kod Wuod Othaya. Ka achako kod Otike Ma ne Jakuo makata nyinge
malongo otho ka onge ngat ma oyango malongo samoro ni neen Johnson Kamau to seche moko bende ni ne ne Jomo Kenyatta. Nyieni otiyo yawa gi luedo marach miwuoro Okwalo,Onegoji, Oyanyoji,Otweyoji Lopeji bende omayo to nikech luoro ne onge ngat mane nyalo penje. To ne nitie ngato achiel kende mane openje gima omiyo otimore kod piny kamano mane en Oginga Ajuma to ne ok owinjo wachne ma oketo Ajuma ei od Angech ma ok odhi kata e od bura mondo onon kosaneObedo eiod angech kuom ndalo mabuora bange agole mana kapiny owacho penjo nito Wuod Ajuma oketho ango? Otike ne otiyo nanga ka piny pod nindo omiyo ne otimo timbe maricho ahinya. Bange Wuod Baringo odonjoe nanga, Nyieni bende otiyo kod luedo marach ka yawa ma ongeyo somo ok odwar onegogi, otweyogi kendo omiyo jiringo dhi epije maoko ka luoro ohewogi.Ma bende Obongo okonyoe anyuola,Piny owacho okedo ma piny obedo kod duol koro sani wan Kod Wuod Othaya ma pod paro ni jopiny ofuwo to en hawi marach ni en odonjo etelo ka Dhano ose bedo mariek miwuoro. Ok wanyal dok chien to wadhi nyime.Anyuola ose tiegore e ranginy mamalo kendo piny ongeyo gimoroamora matimore kamoroamora epiny mangima. Ngato angata madwaro telo sani ei Kenya nyaka onge ni ndalo mane jotelo wuondoji ose rumo. Ji nikod tiegruok ma
opogore tete ma onge ngat ma ofuwo ma iwuondo. Piny owacho medo mana bedo mager kodJokuoge kata Wuod Nyeri Othaya olem mana matek nikech kata en kik opar ni od angech bor kode.
Jopiny onengo ogole korka adonjne maber mondo owach maber gima ongeyo e wach mar (Mt Kenya Mafia) Piny owacho odagi timbe mag maundo.
Jandikoen
Odhiambo Omolo Jakamagambo (KoderoBara)
Joluo.com
Ka in gi mari moro ma di wandik ka to
orni
Akelo nyar
Kager, kata wuon
Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.