WAPAR MATUT KUOM WECHEGI

WUON ABILA,
  Ok angeyo nito jopiny bende neno gik ma timore ei Thurwa. Ne Wagunda
oweyonua piny e higni ma ogwarore to wan kaka joka nyarnam angoma wase timo maber e gwenge magwa.Chutho chutho mangeny ose timore moko beyo bende moko bende richo.Wan kaka Onagi ere paro maber majotelo  mawase yiero ose kelo ne thurwa. Chak anena Kwano yawa mawase dhialo mondo otelnwa kaka Od Bura Maduong, Yawagi dhi manyo to duogo mana kod luetgi nono kendo kane odhi eod bura to samoro ne en kod omuom ma buora to ka oduogo dala to luete ni nono.Wan Onagi ema chaloni ok wangeyo kaka ichiemo koso nango? Gima ber ma jotelo mar Onago ongeyo bedo godo en gowi, kod mer kod nyombo. Thoth Onagi ka odhie od bura to nyaka one ni
omedo dhako to kendo dhakono matin ma omedono nyaka bet ma Lando kendo rabuor ma yom.Wiye duogo wil kod chiege mane en godo ka pok odhi eiod bura, ngima mar Onagi duogo lokore makata en owuon okia gima chande.Yawa moko machalo jorabuon to oling thii gigero thuchegi kendo giriwore ma ok iwinj wachgi.Ango ma omiyo yawuotwa mawa dhialo kendo watero eod bura kuodo wiwa?  Yawa gi ka jopiny odagi ni ok gi tel to nikech ne okgitang kagingiyo nyime to iyudo ni chandruok ma okuongo bedo godo ni Chiege mane okawo matin mane kwar cha ema kuongo weye bange jopecho odonjore kodgi kuom omuom mane giolo koro weg omuom dwaro omuom
margi kabudho matin ineno ka gigi duto nitie elendo e otese ma isomoe weche ndalo duto ni lowo machue man kama kama iuso kendo muandu kata moko mantie chalo kama to ka ingeyo nyingno maber to iyudo mana jaod bura maru ema piny kawo gigene, maen gima timore ahinya epiny Onagi kabudho matin to kendo iwinjo mana wuodwa malich ni magoro otero. Joutene kata nyithinde dong kod dhier miwuoro nikech onge dongruok moro mokelo egwenggi to mana chandruok ema omedo.Epiny masani kik wauondre kata wuondo jopiny kod miriambo, ber mondo jopiny oter ngato eod bura ngat ma jagedo mabiro medo dongruok.Kapok oyiere to jopiny onengo openje mabeyo maose timo kod ma onyalo timo endalo mabiro.Kik jopiny wuondi ni iromo ma ikalo ka ose chuado changa ma omedo gi njaga. Ber mondo yawa madhi eod bura
obed jogedo ma ok jo mecho.Nyaka ne wan Onagi wachak bedoe telo ere gima yawa ma otelo ose timo manenore ne oganda duto ne wan joka nyarnam? Kaber Onengo wabed kod Kar Thieth mooger maber kendo nitie jorieko kod ajuoge mabeyo mana mekwa wan joka nyar nam.Kar thieth maok mar Nanga to marwa wan joka onagi kendo inyalo yudie thieth kod nengo ma oyueyo, Inyal ger moro loka sendro kendo moro igero loka soth nyasa magi gin dongruok makayawuotu otimo to uwachoni en dongruok. Kata kar tiegruok maber macho kaka Riat Kata Moi Institute.Magigin mana dongruok makelo konyruok ne Onagi.
 Kelnuauru dongruok maok Kuecho, Waol kod kwecho seche duto.

Ean Jandiko
Odhiambo Omolo  Jakamagambo(KoderoBara)