02/23/2006
GRANTS
WECHE MOKADHO
;
PUONJO JOPINY OK EN GIMARACH.
Jothurwa magin anyuola mar joka nyar nam.Ber mondo wapuonjre kendo wangat rieko eyo maber.Yande gimoro ne otimore eliel moro kuom ndalo mokalo.Weche ne owuok e liendni ka ngat mane fwambo wach ne ok ongeyo gima otimo. Wachni ne obedo matek ahinya ma tho ochako wuoke.Wuodwa ne wuoyo kaka anyuola kendo ne otimo kaka chik mar anyuola timo.Wan joka nyar nam en kitwa ni ka ngato otho to en kitua ni ji tugo eyore mopogore opogore, jobul nyalo mielo bul , jo okumba nyalo ringo gokumba jo dhok nyalo ringo gi dhok, mon bende donjo kagoyo nduru,kendo mayuak eliare bende dengo eliare, jokumba nyalo ringo ka geto jogo ma dhi eliel ka fuayo luetgi nono,inyalo geto wadu,Geto ngato en ni tim moro mangato timo maok oluwore kod chik mar Onagi to kar liel emane ikwere.En mana nyiso ji timne to nying ngato ok luongi koro itieko giwiyi gima iwachono. Maen kitwa ma muache ok nyal ngeyo gima timore.Ne nitie jatelo moro ma ok ose bedo ka
wuodhe ber ekind anyuola mare mar joka nyar nam, koro kane ochopo eliel to ngat mane ruako welo mabende ne achiel kuom jotelo ne otemo geto wuoyini ka onyise ni gima ose bedo kotimo ok ber ewang anyuola mar joka nyarnam. Kinyne ne wachni owachore ahinya kaka ji ka odhi eliel to yanyo mana jowadgi. Ne ok en ayany.
Bang liel jatelo kane ose tieko wach mar liel koro dok Nyorobi buore kapango to oketne sum e chiemo mane ok ochopo Nyorobi maber gini ne ochando jateloni ma bange gino ne onege.Maen gima ne otimore e thurwa ndalo ma ose kalo to ma ok en gima ber mondo gimakama otimre kendo.
Piny rach ahinya kuom yawa ma otelo thurwa. Kik utho chiemo achiema eyo ka uwuotho.
Kaber to tem uru tingo chiemo ma olos kod jouteu.Ma en sigana madieri mane otimore ne wuodwa kendo nyocha wase kowe.Nyasach obongo oket chunye kama okwe.
Jandikoen
Odhiambo Omolo Jakamagambo(KoderoBara)
Joluo.com
Ka in gi mari moro ma di wandik ka to
orni
Akelo nyar
Kager, kata wuon
Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.