03/16/2006
GRANTS
WECHE MOKADHO
;
KAKA INYALO NGEYO JALUO MA OLOKORE ATHONGO.
Jopiny ose nono ma ofwenyoni nitiere Joluo ma olokore athongo. Dhano nyalo lokore athongo ka ok otim gik ma oganda ma nenoni kare. Guok bende nyalo lokore athongo ka koro onyalo kata kayo wuon mare ma opidhe. Koro ose nenore ayanga ni thoth joluo ma otemo yudo tiegruok maber e ranginy mamalo e Mbalariany ma opogore opogore koro ose weyo joluo wetegi kendgi. Wan wawegi nyaka wakonyre kendwa eka Nanga (Government) bende biro konyowa. Ok en kido marwa kaka Onagi mondo kik wakonyre kendwa to bende en gimaber mondo wacham kod wedewa kata ni (cham gi wadu). Piny owacho oyie ni nyaka wacham luchwa (cham luchi) Wach mar cham luchi en ni ti matek iyud konyruok eyo makareka atiyo matek ma ok ikua ngato.
Anyuola mar Onagi ok oyie kod ngatno ma kuecho kendo janyawo.
Nitie joluo ma koro otamo wang. Joluo wetegi gin ema iluongo gi ni Joluo ma
olokore athongo Mokuongo ok odwar ni mondo inge ni en Jaluo, Otemo pando nyinge, Osungo kama rarieya,Miriambo bende en go,Fuwo bende nege to oweyoni ongeyo,Luoro bende oluor mokalo,Bagni bende nege okia kuma oaye kata kuma odhiye, Odigni ok onyal tiyo kod paro mare owuon,Paro Matin bende en godo onyalo penji gimoro kama ok onengo openjie wachno, Wich Diny bende en godo nikech oparoni ongeyo to kare samoro bende oparo ni okia to kare ongeyo,Kuoth bende ongeyo nyowuoyo kendo oduogo okoni ni kende ema onyiso gino kata wachno, Rondruok bende chande nikech okia kata thurgi malongo, Bedo Raura nege nikech samoro kata nyombo
otame kata kaen nyako to yudo dichuo bende otame,Bolo bende nege nikech ok owuo enyim ji, osiko oling alinga. Wuoyi kata Nyako ok onengo obed Raura Kata jagono ma Bolo Ngama dichuo onengo obed wuoyi ma thuon maok dog chien ka ongeyo ni gima otimono ber e kind oganda mare.Nyako bende ber mondo obed nyako kata dhako mathuon ma ok dog chien ka owuoyo motegno enyim oganda mare.Piny masani nenore ni jokma Bolo ngeny ema omiyo Mwache ochayo Joluo.
Piny owacho ok ose bedo kamor kod yawagi nikech gin ema giduoko Joluo
chien.Yawa makoro Olokore athongogi ok dwar kata wacho dholuo nikech gineno ni jok ma pod wacho dholuo gin jokman chien maok olony kendo onge kod tiegruok motegno.An awuon kaka Jandiko anyalo wacho kendo ndiko dholuo mongith,anyalo wacho dho Kisii maber kendo ndiko,anyalo wacho dho Atwara maber kendo ndiko, anyalo wacho dho Wakamba maber kod ndiko,anyalo wacho dho Jomasai maber kod ndiko, anyalo wacho dho Jomeru maber kod ndiko, anyalo wacho dho wagunda maber kod ndiko
kendo anyalo wacho dho osuayo maber kod ndiko. Atiegora mana maber mokalo. En wich kuot ahinya ka wuod kata nyar Luo odagi ni en koro dhogi kata Dholuo ok owachi.Ka ineno Nyar Luo kata Wuod Luo ma odagi wacho dholuo maen achiel kuom Joluo ma Olokore athongo. Bedne mabor onyalo hinyi kata kayi gilake, Wan Joluo wan kod timbewa mawan wawegi ema nyalo yango adimba to kendo mana ka wawachogi kod dhowa Yande wagoyo mbaka kod wuod anyuola moro ma anyise ni nitie embuyi marua mar Jaluo.com mondo odho osom ne odhi ma oyudo mbuyini to chopo kata riwo
nyukta ma dholuo ne otame chuth to ma wuoi mongirore ma wuod Luo mongith to ok nyal kata somo dholuo.
Nyaka wan Joluo ema nyaka wamed wacho dholuo kendo ndiko.SA MORO AMORA MA IN JALUO ISOMO GIMORO MABER EI JALUO.COM NYIS WADU MED LANDO AHINYA NITIE JALUO.COM MAEN GIRUA MA WAN EMA NYAKA WALANDE NE YAWA MOKO. KENDO KA INENO WACH MORO MABER IN BENDE WUOYE MONDO JOLUO ONGE PARO MARI. KIK ILING ALINGA.
Erokamano ne jothurwa, nyikwa Omogi Awando.
Jandikoen
Odhiambo Omolo Jakamagambo(Kodero Bara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.