03/03/2006
GRANTS
WECHE MOKADHO
;
PINY PENJO NANGA PARO MARGI KUOM TIEGRUOK MAR NYITHINDO .
WUON ABILA
PINY PENJO NANGA (GOVERNMENT) PARO MARGI KUOM TIEGRUOK MAR NYITHINDO
Ka nyathi chako sikul en tich matek majonyuol dwaro kuom nyathi. Nyithindo tiyo matek kendo gikalo penj madongo ahinya to chandruok duogo bedo mana kuon Nanga maen (Government). Onengo okaw nyathi higni apargariyo mondo otiek bedo e kar yudo rieko mar kidienje korro onego odonji e ranginy mamalo mondo owuogi maber ochak tich maluwore kod ranginy ma oyudo. Koro penjo mara chalo kama Jotelo ariyo ma Otelo ne yor Rieko kod Tiegruok kod Jatelo ma ochung ne Kungo kod Chenro Nito gitiyo ango ka ok gi nyal ngeyo kuonde ma nyithindogi biro dhiye bang yudo tiegruok kata yudo rieko.Ne aneno wich kuot ka Nanga (Government) wacho gidhogi ni nyithindo matin mabiro yudo thuolo e Mbalariany magua man Kenya. Nyaka gi nyis jopiny gima jopiny biro timo kod nyithindo ma ok oyudo thuolo go.En tich Nanga (Government) mondo gilos kuonde ma nyithindo biro donje bang tieko kilas apar kod ariyo. Kik Nanga wuond jopiny ni ok gi ngeyo kuma raweregi biro dhiye. Ok wadwar jotelo ma tugo kod piny ma ngato donjo adonja etich nikech jatelo osiepne. Omuom nitie ma onengo olos godo chenro kaka nyithindo ma ose tiyo matek ma okalo penj nyalo yudo konyruok. En tugo ahinya kuom Nanga(Government) ka onge kuonde tije magichako kendo giyawo kendo medo mondo joma ose tieko tiegruok oyud tije mabeyo. Kenya en piny machue ahinya maka Nanga (Government) otiyo matek to tich ok onengo obed chandruok. Pur, Ohala kende onengo omi ji tich ahinya kod chudo maber.Kenya onengo obed0 ni pidho cham ma jokenya chamo mamoko bende gi oro oko kelo mwandu to magi ok nyal timore kapod jokuoge ema iyiero mondo otelne piny. Nanga Government Onyis anyisa jonyuol gima gibiro timo kod nyithindo ma ok oyudo thuolo kuonde tiegruok man Kenya kanyogo.
Jothurua an ok abi ling to jopiny chandore kendo Osuru ok tigodo eyo maber.An awuon onge ngat ma aluoro to mana Nyasacha mane ochweya.
Erokamano.
Jandikoen
Odhiambo Omolo Jakamagambo (Kodero Bara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.