05/20/2006
GRANTS
WECHE MOKADHO
;
RWAKO WELO E PINY MAR AMERICA.
Joluo ne ok we ngatgi chandre.Wendo en hawi kendo onengo oruake maber ka oyudo kama joluo nitiere.Piny owacho ose nono matut ni koro ruako wendo en mana anjawo.Asomo baruwa ma anyuola moro okwayo godo kaka inyal kony watne mondo odonj ei America. Jothurwa wek uru kawo gimoro ka tugo.America ok en piny ma chalo kod Kenya.Nyathi kik wuog Kenya ka oonge ngat ma biro romone e Airport to bende nyaka onge malongo kit ngat ma dhi romo neno. America yande ber to yawa ma wakoche ma owuok Kenya ose ketho America miwuoro.Chutho chutho en chandruok ahinya ne yawa mapod tindo obed nyako kata wuoyi.Yande awuoyo ahinya kuom Jaduong moro maen tichne en mana mar wuondo nyithindo manyiri kod jok ma mon mapod tindo ni opuonjogi riembo matoka kendo omanyonegi (Green Card) En Owuon oonge kod gigi kata mana Drivers Lincence motiyo godo ok oriere. Ose wuondo nyithindo manyiri manyalo romo abich to hawi maber wedegi donje motegno kendo golo nyithindogo kuome. . Ne awuoyoe ahinya kuom weche mokadho to nenore ni thoth ji ok som thuond weche ei Jaluo.com. Nitiere jok ma jomaundo America koro ngato angata ma watne dwaro donjo America tem ahinya nono ndach kama watni dhi donjoe.Anjawo ngeny ei America.Jaluo moro amora ma osomo wachni ber mondo imed lando wachni ahinya nikech jokma richo mawakoche koro opongo America ka owuok
Kenya kendo gin mana Joluo mawacho mana dholuo. to thoth gi gin anjawo.Kiny watni kata watna moro ema iwinjo ni odonjo kuom jamaundo.biro Pod nitiere jok ma longo kendo dimbore ahinya ei America to ok ber ka odonjo kuom ngatma rach mawuondore.matimbene richo kendo achach.
Mad Nyasach Omogi Awando Otelnu Uduto Nyikwa Ramogi kamoro amora mauntiere.
Jandikoen
Odhiambo Omolo Jakamagambo (Kodero Bara)
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.