06/14/2006
GRANTS
WECHE MOKADHO
;
Jandiko Adem Tumbo
Migosi Moluor Raphael Tuju Odiyo, Jaod bura morito kom ma Rarieda ook osetiyo kod CDF ma Rarieda kaka owinjore. Kaluwore kod weche manyocha wafwambo koaye apis mar CDF ma Rarieda, yudore ni omenda mosedonje aguch Rarieda maonego tigodo eyore mag dongruok osechopo Sh 120,000,00 tokata kamano omenda gi mosetigodo osechopo man Sh 2,000 kende. En wich a hinya ni Moluor Tuju osehedhore ahinya kowuok higa mar 2003 ni en ja dongruok to jo Rrieda podi onge kod kuonde mag thieth mabeyo katamatin. En a diera ni Rarieda e piny modhiere ahinya epiny Luo kendo esechegi two mar Ayaki nego Mine, Wuone gi Rawere matindo maonge kata chenro moro ma Jabura Tuju osekelo mondo ogeng two kata okony joogo motwore. Ekinde mag nguech mar 2002, Moluor Tuju ne odonje epap koliethre ni en kod tudruok maduong ahinya kendo onyalo gero Rarieda gi higa achiel kende.
En hawi marach ahiya nikata skund pon mar nyithindo miluongi ni St Lazarus mosebedo katimo maber ahinya kendo yombo skunde moko mae Bondo district Tuju pook odonye mondo onekaka piny owacho dikel kony, ger kendo rwak giik pwonyo mamoko eskundno. Nyithondo moko bebde ma osekalo peny maber ahinya kanya kaachiel kod skunde mamoko bende sani budho mana dalanikech gionge gi hela maginyalo konyregodo. En wach miwuoro kendo laal mar omenda mag Rarieda CDF kaachiel kod Rarieda Bursary Fund osekelo kuyo kod thagruok malich ei Rarieda.
Tulo kod koko bende osemwuoch egwenge mangeny kaka Kitambo kaluwore kod kwo mar oduma mane Piny owacho okelo Rarieda mondo okony nyithi kiye kod mondliete. Moko kuom Oduma, Michele gi Modhi nyocha oyud ka wede Jatelo ma Tuju kaka jadolo Migosi Johaness Dudu Mbeda kod jathieth Migosi Aringa Wadugu mwomo iaora kochiko miegi egot. Mane wach matek miwuoro kendo japuony moro ni Odiyo Nyang Nyokundo nokwedo ahinya timbe wede Tuju maag kwalo mwando jo Rarieda okinyi kod otieno pile ka pile.
Riwruok mag mine kata rowere matend Tuju osekonyo onge Rarieda. Miriambo ema otimo naam. Thagruok dhi nyime Rarieda kendo joogo madwaro laro kom bura ma Rarieda kaka Migoso Midusa Gumbo, Okil Kamaloka Otiende Amollo mongere kaka Dot.com kod Owiti Ayiecho mongere kaka Malo Malo emasani konyo libamba.
Migosi Tuju en jamriambo moguromach kendo kata yore mag Marraam matudo chirni kata mawuoke dho naam kaka Kopiata pook apaa. Your madhi Osindo kod kuonde mamoke otimo kite sinawuoya. Apaya maduong mao Ndori Nyaka Lwanda Kotieno tosani igero kood jo PutSarajevo nikech kwayo kendo chenro mar Migosi Amolo Tinga, wuod Nyalego, tworo cha chieng. Mago gin dongruok mane Amollo, Agwambo wuod nyodima apango kapodi en e migawo mar Apida kod Apayo. Ndara no nonego chopi edho naam Lwanda Kotieno, katakamano Moluor Tuju osemindni gi Piny Owach kendo gi loko ni koro gedo biro chopo mana e akerkeke ma Owimbi. En wach malit ni Tuju okdwa ni Ndara oger nyaka Uyoma nikech jo Uyoma ook nogoyone kura mar chike.
Wan kod penjo ni kara tij CDF kaara ne ango? Higa abich esechiko kalo makata dip mar dhok ma Tuju ogero onge. Higa abich oserumo makata nyathi ma Tuju opuonjo kara onge.
Tokara gik mane Tuju wacha kaodwaro kom Rarieda kara negin mana lek kod liethruok mag wuondoji? Dipo nimano emomiyo Malo Malo noyombe bi odhi okwalo certificate? Ehe, omera kara en adiera ni higa mar 1979, eskul mar Starehe, Migosi Tuju neen namba ariyo mar jo boto epeny mar A level?
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.