Wamanyo Jalemo Manyalo Konyo Jatuo!

  Jandiko Mig. Migure
 
Apenjo ng'ama ong'eyo jalemo moro maber kendo ma ja adiera manyalo konyo jatuo moro ma gi tuoche mag dala ma wasetemo thiedho e osiptal to otamowa.
 
JWasetere nyaka e test mar ayaki to gi tuoche mamoko to onge gima iyudo. Wasetemo thieht mar kipiny be to chaloni jogi dwaro mana chamowa. Oseng’adnwa rieko ni jolemo osekonyo ji mang'eny machalo kamano.

  Owadwani chaloni ochwanyore e lain moro, kata ng'ato dwaro mondo ohinye kendo okethi ode e yore mag lawruok ma uduto ung'eyo kaka joluo.

  Ka nitie jalemo moro ma ng'ato ong'eyo to onyalo miyowa direction mondo watem. Asewinjo ni moro nitiere Mamboleo Kisumu ma iluongo ni wuod Jakobo, to direction on how to reach his place pod otama.

I know many people might be tempted to dismiss this appeal as based on superstition, but wan wadwaro mana konyruok. we are desperate, and as they say, a drowning man will even cling to a passing snake for help!

An Migure

  _______________________________________________________


Dwoko Mig. Migure Kuom Wach Jalamo Manyalo Konyo Jatuo!
 
Adwokoni erokamano kuom oronwa oboke mar kwayo ka ng’ato ong’eyo yo moro minyalo yudogo resruok mar konyo owadu.

Kapok adwoko penjni to abiro miyi puonj moro matin ni kik iriw oganda gi bando e agulu achiel kato itemo ka ibelo mach mondo inyo godo nyoyo, oganda biro chiek motelo ne bando.
 
Kuom mano nitie tuoche moko ma osiptal thiedho maber kendo mapiyo, kendo nitie tuoche moko ma yadh nyaluo nyalo loyo mapiyo.
 
Mak mana gima akweri ni kik ikik thieth mar osiptal g’ajuoge mag piny mano to gino biro bare nono, kato bang’e ichako idwaro kaka jalemo nyalo konyo. Mano biro yudo ka oganda oselokore tama ma kata koro ibele mach to ok chiegi ngang’!
 
Kata kamano akwayo nyikwa Ramogi Ajwang’ nika gi nyalo konyi to mondo giornwa oboke mondo wamiyi ler kuom wachno. An bende yande jalamo moro okonya ka tonde mag mbui odino wang’a kendo bang’e nayudo resruok. Moro bende yando olamo ne owadwa mane okalo ndagla mochango bang’ bendo momo kuom ndalo adek.

  Kuom wach wuod Jakobo an bende asewinje dhi adhiya Kisumo to ikaw ja-Boda Boda mondo oteri nyaka e dhoot. Kata kamano tang’ ne jolemo ma amadia moro nyocha oyako pes kuom raia e boma ma Buore Nyorobi kowachoni en othiedho nyaka ayaki. Sani koro osetere e od ang’ech.
 
Mig. Ajos wuod Atiga Ny’Ochola

Wuon Abila, Jaluo dot Kom