06/05/2006
GRANTS
WECHE MOKADHO
;
Anto samoro dhoga moko nyikwa ramogi, to gima daher mar wachonu ni, dhano ka dhano nigipache, to gima ng’ato ondiko mano e kama pache ogikie kendo e gima oneno ka kor ka kore owinjo owacho, koro dagi kata manyo ji mondo okonyi riwo paro mar dagi gima in ineno ni ber ok rach, to kik itim mondo mi ng’at machielo nere ni kia gima owacho, kata ni owacho gikma nono.
Woud thurgi dana, ja Ugenya, Mourice, onge keth ma Philip otimo kuom wacho pache, inbende wach mana mari, to kata kamano ok ni achwako Philip kata nade ohooyo jokama, uduto uwacho pachu kendo un kare, kaka iseko wacho gi dho wasungu ni Rape en gima kwero makelo kethruok kendo onengo ong’adne bura mano kare ahiinya, kendo adier en gima kelo ichwang gi kihondko, wamon wabedo gi kihondko ka rawechi owuok e ot to in mana gi kiawa kata noduog gi kuwe to gi pinywa motimo Ayaki ni we wuoru nyithi mon wetena.
Gimaduong monengo jomachuo ng’ee ni to gombo mag chunygi gi riyo ma gingo to giketo kanye, koro ka in wuoro kata mana wuoyi mabende nigi rawechgi matindo be de igomb winjo ni rawechi/rawechu otimne gima chalo kamano? Mano ka ipenjori to nyalo miyo ipar malongo ka pok richi no oloyi, to ka in ja mirima to ang’o ma moni yiyori mana gi nyan ma orido siandane no ito richi no kuome, ka utimo kamano to gibiro weyo rido siandagigo.
Ok achwak mon wetena kuom rwak mag anjawo, nyikwa ramogi, kawawacho ni piny oniang gi tekenologia kaka jomariek luongo, ma diang mi wawe yore te mag luor mane kwerewa opuonjowa, to be kata kuom jogo masomo biblos, buk wacho ni Mon oruak mana neng mon, to chuo be kamano, to kata kamano okofulo ni ka siket we thochi nono kata blause ma we bund iyi nono ohooyo jokama kata ka etekenologia go to ma okalo tong, adier wamon marwakore rwak anjawo wamiyo jomachuo timo hor hor kendo moko donjo e masira nikech gombo mar wang wawe uru wadimbre, moko to nyiwenni to ka iromogo to ek iweni nyiri ma manyo jo sero.
To kiwe mon, yawa chuo to ema koro winj uru mana gi mabor to kendo thothgi e makelo anjawo gi te, gihore iweni dho koo ma ng’uwe, iromo gi ng’ato marom gi wuoru to konut ni oseri, to diweni rawech sikull matinde e ka puonjore kisera, en gi weche mag anjawo gi miriambo ma kichike iti to wiyi bari, to bende nyako ma odimbore bende ok gidwar gisero mana ma orido siandagigo koro, an gima de awachi ni yawa Masira gi anjawo to wakelo mana kendwa, Mon wawe uru rido siandawa gi thochewa kik wawe nono, to chuo unbende uluor ne uteu, Ukuodo wich kendo umiyo mon bedo gi chuny mojony ma kata koro hera onge e ot kendo ukelo anjawo gi masira kata tho mang’eny mag ayaki chuo e ma kelo ne mon dimbreuru, usando mon, kendo un gi pesau go un e chakruok mar chandruok gi te kuwesorogi ok gibi rido siandagi anyisou adieri
Gimaduong walokuru kitwa nyikwa ramogi wetena
E an, Nyakogola
Adhis Nya Tanganyika
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.