06/14/2006
GRANTS
WECHE MOKADHO
;
KAKA DAK MA OCHANORE DWARORE EI OGANDA MAR LUO.
Piny owacho temo nono gima omiyo nywandruok kod anjawo koro ose donjo ekindwa wan Onagi. Maeri en mana puonj eyoo makare ma kik ngato kawe ni chalo ni en ema piny owacho wuoyo kuome. Ose nenore ayanga ni Joma dongo ma onengo obed ranyisi ne rawere matindo ema koro dwaro mondo okonygi. Ka ise bedo ngat maduong ber mondo iwuo kaka ngama ngongo kendo itim tim maber kaka ngama ngongo. Dhano puonjore nyaka otho odogie lowo ka ok ingeyo gimoro tem penjo wadu mondo ongadni rieko eyo makare. Ngima mar Jaluo ne en ngima mar konyo to ok ketho. Gimoro koro dhi nyime ahinya e kuonde ma ji odar odhiye kaka kuonde pango (Towns) kata oko e pinje kata jo Wagunda Kata Wazungu. Nyithindo dongo ka ok gingeyo thuchegi.Maeri en makosa mar Jonyuol. Nyathi onengo odongi ka ongeyo ni en Wuod piny mane kata Nyako onengo odongi ka ongeyo ni en nyar piny mane. Bang ka nyathi ose ngeyo thurgi maber bed kod nyathi kain Miyo, wuo kod nyathi manyako mos ka inyise kaka onengo oritre, nyaka inyis nyathi thuru kod wedeni, nyaka inyise kaka kendruok itimo. Kain Ngat ma dichuo bed kod nyithindi piny inyis gi kaka Joluo ne dak kata kendruok ne itimo. Piny owacho koro ose neno ni gigi rumo nikech nyithindo koro kia kata kaka ji onengo okendre. Chandruokni koro dwa bedo mangeny ahinya pinje makendore kendgi. Nywandruok ose bedo mangeny ka koro iyudo ni Nyako odak kod ngato higni mogwarore to ok onengeyoni kanyo ok nyak kende to samoro kata nyathi ose wuokie. Wede ok kendre to nitiere wede ma kendore. Kama onyuome nyameru maeri kama inyalo kendie,kama onyuome wayu kanyo inyalo kendie. Wuoi bende nitiere kama inyalo kende korgi wayu, kata kama onyuome nyameru to ok ei dala
kama nyameru otedeni. Ok nyal nyuomi thurgi mamani bende wuoi ok nyal nyombo thurgi mamane. Wuoro nyaka nyis nyithindo wedene duto kendo Kanergi Mamau kata Wuoru ok inyombie kata Nyuomie kain nyako.Weche gi nyithindo ok nyal ngeyo ka in iwuon kaka ngama ngongo ok inyiso nyathi. Nitiere wach moro matiende tut ahinya to nyaka in iwuon ema inyis nyathi wachni. (LUO KITGI KOD TIMBEDGI) NITIERE TIMBE JOLUO MAKORO PINY OWACHO OSE NENONI OK KEL DONGRUOK EYO MAKARE TO GIDWOKO MANA JI CHIEN. Kain achiel kuom pinje makendore kendgi to kik ichun gimoro ma iniwuon ingeyo ni ok nyal timore. Ase neno an awuon ka ji ariyo odak ka iparo ni gin dhako kod chuore to kare maeri en mana nyar gwenggi ema oloko chiege kendo ogare ji gi chien ma ngato ok nyal yudo nyakoni. Hawi marach nyako koro otho korka ji penjore nito kare ngane chande macha ne ok chiege ngang? Koro en wich kuot ahinya kendo anjawo.Gigi ose timore kendo pod gobiro medo timore ka ok jo nyuol owuoyo ne nyithindo motegno.Joma Chuo madwaro nyombo tem ahinya iyud nyar Piny moro ma ingeyoni ukendoru godo. In nyako tem yudo wuod piny moro ma ingeyo maber ni inyalo kendie to ka ikia to tem penjo jok madongo. Mogik in Wuoi kata nyako ka use yudoru tem uru nono (background) mar ngat ma uyudoru godo ni nikech somoro en wat ma ok kendre. Kik ngato kaw wechenagi eyo marach to jothurua wakony uru nyithindo madwaro kend mondo kik gi nyuandre kod wede kuom kendruok.
Nyasach Omogi Awando Otelnu Uduto.
Jandiko en
Odhiambo Omolo Jakamagambo(Kodero Bara) =====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.