06/05/2006
GRANTS
WECHE MOKADHO
;
Apuoyo ahinya kaka Migosi Owawa owuoyo. An awuon ase temo wuoyo kata ndiko yo ma anyuola mar Joluo nyalo yudo godo kaka gikonyore.Onge ngato mabiro keto chiemo e dho Joluo kaka gidwarono. Wan wawegi nyaka walok paro marwa ka waweyo sunga kod wuondruok. In iwuon kata an ema nyaka nis piny owacho ka wanyalo timo. Ekinde mokalo ne akwayo anyuola duto mane piny Luo ni hawi loyo rieko.Ngato ka ngato Nyasaye ochueyo ma opogore kod wadgi.Gima ingeyo samoro an awuon ok angeyo to bende samoro ingeye maber kendo inyalo nyise ngato eyo mayot ahinya.
Ne aketo kwayo mara ni ngato angata ma neno ka ngato ongeyo timo gimoro maber to otem tuda kode (Ideas, Skills,Creativity etc). Yawa manok ahinya ema ose tudore koda kendo iyudo nigin mana mwache kod Waindi to Joluo to rito ni pod gidwaro bedo president eka gibiro dwaro modong go bange. Jothurwa ,Chiew uru , Joluo tang uru ber ok bibiro kaok ungeyo yo ma iyudo godo telo.Migosi Owawa owuoyo ahinya ni Wakonyore waduto.Gima chielo machando Joluo ni ngato ok dwar winjo paro mar nyawadgi.Kata ka indikone ikwaye email mare kata mana namba mare mar sime to ok oduoki to magi gin mana dok chien.
Wawe uru Larore to wariw paro marwa mondo wakel dongruok epiny Luo.
Nyasach Omogi Awando Otelnu Uduto..
Jandikoen
Odhiambo Omolo Jakamagambo( Kodero Bara)
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.