06/05/2006
GRANTS
WECHE MOKADHO
;
Oimore/kata oyawore Uduto Kamoro Amoro ma Untie. An sani e piny Luo-Suba kama rech otimo mach.
Adwa mana wuoyoe kata puoyo wach ma wuod Kamagambo -Odhiambo Omolo-owacho kuom rwako Welo e piny Amerika. En adier ni piny Amerika nyikwa Ramogi paro ni en a small paradise-"Heaven on Earth". Asewinjo kendo kuom higni mathoth angeyo osiepe kata wede maosewinjo matek e piny Amerika. Moko kuom gi osenindo kata mana e sewage (oloko) e bwo ndara ka gima gicham onge. Gisewinjo matek to ahinya hinya ingeyo ni kuma kuon onge, Jaluo nyalo kata mana ywak.
Ndalo na duto tee..angeyo ni Jaluo en Jaraha kendo en ngama ruako welo. To piny osekethore..ok angeyo ni en wach dola..to koso ango?. Akwayo nyikwa ramogi-jodalawa man e lop Amerika sani kendo somo obokeni, gam watni, mak bad osiep-kendo tim berni ne wendo miyudo koa Pacho. Ok ingeyo gima kiny. Grace Ogot ne owacho ni " There is a source for the River". Wendo no dipo komako badi. We bedo okora, e pinyno.
Wuod Kamagambo erokamano kuom goyo atung ne joya e wachni.
An kod Visa mar Amerika, to kaluwore kod weche matimore e pinyno..tama kata mano idho ndege mondo achopi kono. Ber lupo moloyo ni Japinyu dhi keto kodi okora e piny jomoko. Nyiwa ti giloko mana ochode. To ka dipo ni nitiere Jaluo man Amerika madiher wuoyi mapod tin madi konye e yo moro amora, inyalo bolona oboka e opiyo79@yahoo.com. Kinyalo miya kamoro akete nguta kuom ndalo matin, da goni erokamano.
Nyikwa ramogi, wamakre uru. Okuyu lowa nade? Mak Bada mondo kiny amak bad wuod neru kod nyathi wayu mondo wager gweng!
Mad Obong'o, Were, Nyasaye, Nyakalaga, ma wuon Ramogi obed kodu ndalo duto.
Opiyo K'opiyo
Suba =====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.