Dongruok mar Kaluo

An aloso ka aduoko Mr. Abom kuom barupe mar dongurok mar piny Luo. Ang'eyo ni lang onagi ogeno Agwambo wuodwa ndii, to kaka ikete to ok donji. Jaluo sani en ng'at mariek maok nyal mana tamore ng'ato nikech kindgi rach gi wadgi. Chal ni ok ing'eyo gima ne Migosi Tuju otimo ne Jaluo marach. Tuju ne otudore gi sirikal modhi onege oganda mogwaro e piny Luo. Jii mane odhi adhiya mar neko to ok mar kelo kwe. To gima lit mogik ni Tuju ne otamore kabisa kwayo ng'wono ne piny onagi, ne oketo lweny maginogodo gi Raila mbele moloyo ngima mar joma inocent mane otho, Kisumu ndalo referundum.

An yande ageno Tuju ahinya kendo ne aheor yo mane ogoyo godo siasa, ne oketo dongruok mbele kendo ang'eyo ni ne otemo monyalo, to jachien bende dhi mana eot maler. Ne adendoga Tuju to St. Raphael, to Jachien ne oliwo wuod Rarieda motiyo kode eyo marach mogik.  Pod en lit ahinya ng'eyo ni nyithindo bende ne owito ngimagi e dhawo maok ging'eyo ni mar ang'o! Waduto wang'eyo ni jonjore mako ok yot kendo tulo ka owuok to ng'eny jomahinyore gin jowuoth kendo joma ok ong'eyo wach koko kata matin. To be ma ne obadho Tuju sama ne omanyo cooporation.

Ok wadagi Tuju, en wuodwa kendo wuodwa mariek, to gima ne otimo ndalono omaye marks mang'eny ahinya, dhano ber  mado chien ok mitiyogo mondo hiny jowetene.

Nyikwa Ramogi, yiero mabiro to watem watimuru e okang' mamalo, wadwaro dongruok, wadwaro joma nyalo tero dongruok dala, ok e pango. Wadwaro joma kowinjo gima ber makelo dongruok to tudore gi groups matindo mantie e gweng kendo neno ni dongruok no otimore. To moloyo, mond Luo, wuoguru oko e pap, wang'eyo ni tend mine ng'eny gi dongruok!

Nyasachwa oritu Jokanyanan.

Anyango Jane Nyasigoti