Gik ma Raila Onego Tim ka Odwaro Telo mar Kenya

Wuon Abila, Awinjo duondi ka iwacho adieri ahinya kuom Agwambo gi jogo ma wuonde ka obiro Amerika. Gima omiyo  Raila pod ok nyal us ne jo Kenya ng'eny ndi kendo andiko gi piny .
1. Joluo wa we uru sunga gi gige piny, to moloyo Joluo ma ni Amerika.
2. Mar ariyo jogo ma wuondore ni osiepe Raila, we uru nango tok ng'ato ka ok unyal wacho ne adieri. Raila ok bi miyo u tije madongo ka obedo President. Gik mane Kenyatta, Moi kod Kibaki timo sa gi oserumo, tich ibo yudo mana ka isomo kar tichno.
3. We uru lar ruok but Raila, en mana dhano kaka un. Ka Raila oromo gi joKenya moko we uru ich lit.
4. Wangis uru Raila adieri gik mathago Joluo kendo Jo-Kenya, onge gima ber a piny Luo kata matin ma wanyalo wacho. Kaito wabed uru gi bura e ler kuom gik maduoko wa chien.
5. We uru dhaw ka iwacho siasa marach kuom Raila, en bende en gi kar rachne ma ji neno ok en Nyasaye, ng'ato ka ng'ato ni gi kar rachne. To ng'atno ma iloso mondo obed jatelo nyaka ngis kar rachne nikech ka mano ok nyal timore to tiende ni wadok e nek machon mane itimo ne jogo mane okwer gik maricho matimore.
6. Ng'atno ma loso gi Raila pile ka pile (Strategist), ongis Raila ni mondo osomo kar nonro ni, mondo owinj duond jo piny kod joluo wete ge. Wa dwaro so weche Raila kaluore gi duoko mag weche wa gi.
 Mig Okelo Geoffrey
 North Carolina.

...................................................................................................

Dwoko Mig. Okello
Wuod Lowo Rateng' adwokoni erokamano mogundho kendo maratipo kuom nyoonja miketo e weche masani sako it jopiny e wach kawo loch ma Kenya higa mabiro. Joluo mang'eny wigi wil gi jwangruok mosemigi e loch mokadho e bwo Loch Otike (Kenyatta wuod Gatundu), Loch wuod Odongo (Moi), to gi masani mar Obaki raume ogedore wuod Mumbi (Kibaki). Kik wich wil BIM EN BIM! Mak mana nyaka watem tiyo kodgi mana kaka gin bende gisetiyo kodwa. Loch to kawo yot rite e matek ndwara!

Raila iwuondo gi "Us Guys" jogo ma kata lso gi jopiny ema gikia, kang'wech owuok dala to gi ng'anyo duto gidok Amerka, Jopiny modong' dala ema chandruok yudo. Jowadwa waweuru wuondruok. Koso uparo ni e piny Luo Raila kende ema oromo bedo Ker? Dwoko yot; Ooyo...! Ji moromo thoth! Ere gima omiyo wuondruok nitie e kindwa wan Joluo? Mwache nyierowa kendo giwacho ni wafuwo, dak ukung' ugol fupwa ma ji neno korka watem laro loch! Loch ok en giko mar ng'wech! Rite e lweny.

Kaka Mig. Okello oloso malo kanyo otemo lero ne jo-piny ni Raila ok en Nyasaye! Bende ok otim gigo mabeyo seche duto en bende en gi rachne ma nyaka nyise korka onyalo loko pache, nono to oparoni en oler seche duto. Kata un ma uluwo Raila bende ung'eyo gima ji wacho kuomu, parieuru ni an Wuon Abila kata Mig. Okello Geoffrey ema biro goyo ombulu ne Rainduno! Ok adagi ni Raila ok oromo bedo jatelo mar Kenya, oromo knedo onyalo rito piny maber, gima adagi en pach muofni moko mabiro miyo Raila nyumore e bugo! Somo mar buk ok ritgo piny, piny irito gi wich ma bith (Wisdom). Jodongo machon kaka Mig. Odera Akang'o, Magak Odeka, Odemba Migori gi ma moko yande nigi jo-ng'ad rieko kendo ne gitemo nono pach jopiny, gima ji dwaro to ok maru mar tok teko gi wuondruok!

Kuom weche mawacho malo kanyo ok aluongo nying' ng'ato to ka ichich to kare en in omiyo lok pachi jo-piny neni kaka iwuondori ni, "irikni to kare irikni".

Mogik bende ung'eyo ni Ker iyiero gi jo-piny ok yier gi jo-kombe kendgi (delegates)? Omiyo doguru e mier kendo ulos gi jo-piny korka uchak wach mar manyo loch. Weuru tong'o yien to uidho wiye. Lorueu piny korka uchak tong'e!

Wuon Abila