Wach telo mar ojende

Amor ahinya gi twak mane obedo e kind Wuon Abila to gi Nyar Sigoti. Telo mar piny onego riw ji duto. Sama ojende otelo gitelo ne jopiny te mana kaka ka jodongo otelo to be telo ne jopiny te. Ema omiyo iluongo gi ga ni jotend piny. Ma, ahinya to e siasa, en nikech jogi oyier gi jogo kura duto. Ka rawera oyombo to nyaka ong'e ni jodongo be ne ogochone kendo jodongo bende
odak e kom orindi(constituency) ma oritono.Omiyo nyaka oti ne ji duto.

Lemo marom kod ojende to onge da. Lemo te oromore gi ng'ato ang'ata ma okalo rapim mar kaka chik wacho.  Nitie higni(21) gi lony ma chike piny oketo ni kapok ng'ato omanyo kom bunge to nyaka obedgo. Mani nyiso ni ka ng'ato osechopo dwarogi to onyalo telo, mana ka chunye onge e telo eka telo nyalo tame. Ma emomiyo jomoko mane okawo telo ka pod raga kaka Tom Mboya ne otelo atela maber chuth to jodongo moko to tich tamo ayanga nono. Mboya ne okawe ka en mana gi higni 27 kende.

Bedo gi family to ber ndi. Mak mana ni family ok ema mi ng'ato teko mar telo dawe. E kembe maok gin mag sirkal ojende oteloe mang'eny ndi. Moko kuomgi pok okendo to moko bende pok okendi to gitiyo maber ndi, kendo kembegi yudo ohala(profit) ma miyo mana kembe sirkal wich kuot. To ma en nikech kuro tiji maber ema goli oko. E siasa to thuth mar ofuki. To nikech ng'eny jomoko(the rich) gin jodongo mosebedo gi thuolo mar loso omuom, gin ema gisethoro yudo thuolo mar telo e siasa. To ng'eny mar hikgi miyoga gibedo jogo ma osekendo kata ma osekendi. Ji mang'eny koro osebedo gi paro mobam ni bedo gi dhako kata dichuo miyo ng'ato bet jatelo maber. Ma ok adier  makende dawe. Nitie jomon ariyo kata adek ma ok osekelo lokruok kuonde magichung'ne.

Somo oko mar Kenya be ok ane ka en richo dawe. Ka chuny ng'ato ni e telo ne oganda to onyalo mana tiyo maber. Kata mana jakom owuon(Agwambo wuod Nyar Alego) thoth sombe ne en mana oko to sani bende waneno mana ka bero dala wa ka omako chunye ahinya. Ng'ato inyalo nyuol e anyuola manigo(jomoko) ma osom e skunde mabeyo te to pod okonyo akonya oganda. Telo en chuny ng'ato.  To nitie bende jogo mane othagre ahinya ka gidongo e dhier to kagise yudo telo to gilokre mayaka! Jomibadhi mokalo.  
Pogruok bende ayie ni nitie e kind young leaders gi youthful leaders. Ma emomiyo sani wadwaro young leaders e telo. Ma en nikech youthful leaders osebedo e telo ndalo duto to tin(youthfulness) gi osebedo mana e del gi wang',ok e paro dawe! Pach ojende giongego to bende gikia. Telo onego nywak ji duto mondo paro gi dwaro ji duto ochop mbele.

Omiyo ndalo ojende mar telo en mana sani, ok kata kiny dawe. To mana ka wariwore waduto eka wayudo paro mopogore opogore. An awuon to kata ja higni 21 ma tije ber to amiyo amiya ombulu. An kura na dhi ne tij ng'ato ok hike da.

Adhiambo Nyar Kanyamuot.