Adwoko erokamano ne Nyasaye kinde duto ma osemiyowa kwe e piny mar Kenya

Jotelo mag  kanisa osebedo ka lemo ne kwe. Wan Joma kwayo kwe mar nyasaye bende wase bedo ka walemo kendo pod walamo ne kwe mogundho kendo mosiko.

Wan Jo Kenya wan e piny ma ogwedhi kendo kane wa winjo matek, ne wadhi e nyim kom Duong´ ma  Nyasaye ne owinjo ywakwa ma okelo lokruok. Koro wakwayo mondo lamo Nyasaye odhi nyime.

Kinde duto wabed ka walemo mondo kech, dhier, touche mondo osud mabor kodwa. Ng´ato ka ng´ato mondo ogo chonge piny ka olemo ne nyithind kiye ma wan godo e thurwa. Kik wati gi manyonge mondo okonywa kendwa wawegi ka ji moko to winjo matek.

Jo Kenya duto onego yud thuolo mar dhi kuonde ma nyithind kiye nitie kendo gi chiw kony kata matin. Nitie mier mang´eny e piny mar Kenya ma nyithindo thagore malich kendo ok ginyal kata yudo somo ma owinjore.

Koro en mana chuny ng´ato ka ng´ato mondo odhi ochiw gimoro amora matin ma en godo mondo nyithindo oyud somo, chiemo, thieth gi hera.

Osechopo kinde ma ka ikonyo nyathi moro ma thagore eka ibiro yudo gweth mar Nyasaye.

Apollo Anyango. 

Wach Mogik:
Kuom weche duto ma Mig. Apollo Anyango olose malo kanyo winjore maler kendo ng'at man gi ite to mondo owinji, ka in gi nweng'o matin bende tem choro lweti mondo ikony jogo manyalo dwaro resruok ma kamano.

Mak mana anto pacha bet odwa pogore gi mano matin, nitie olethe moko ma nyaka kwong lok pachgi ka wan jopiny pok wachako golo kony marwa matin ma wan godo! Olethe gi gin jotich sirikal (civil servants), Wabunge (Od Bura Maduong') gi jogo mosebedo ka yako mwandu mag jopiny. Jogi ema nyaka watemuru wakir oko e migepe ma giyako kato wayud kaka konyruok nyalo chopo ne nyithind kiye, jodhier gi yore mag thieth.

Wabunge to tichgi yot, gin wakirogi eyor ombulu, civil servant to ichoro nyinge e kom Okil kamaloka mondo onon yorege mag mibadhi. Ka wasetieko mago to tich biro bedo mayot e gweng'. Ruodhi (chief, kata assistant chief) makawo (masoya) omuom kuom joma odhier ni gidhi rwakogo DC kata DO mago bende wechegi onego non! Moko bende kata idhi mana dwaro yor Kipande to ni nyaka ikwong' igol gimoro matin mar Harambee to kochopo midhiambo to wuod wegi ochomo bache moko man e kor gweng'gi odhi twomo andiwo go minyonge mane osekawo kuom raia.

Kapok waloso yore malose malo kanyo to konywa biro mana chumbore oko nono!

Kaka Mig. Apollo Anyango owacho lemo to ber mak mana nyaka wasire gi tim kendo chiwo gi chuny mang'won.

Mago kende Nikwa Omogi joka Nyanam!

Wuon Abila