Nyasaye ber moloyo gik moko duto.

Jothurwa gima nyar Kendu-Bay otemo jiwo mar mig. Migure, omiyo adua kata
yuak, kaparo malutu mane waneno ehiga mar 1995. Kane omera maduong tuo
ogoyo matek putu, kaeto josieko machopo gi ng'ado wechegi nochopo, kanyiso jonyuol na ni, wuodini ngato olokone jachien, to nitie ngato moro yo Kisumu koni to en jalemo, okwongo lemo eka ochako thieth, kane mzee na owinjo, moneno ni kare adier  wuodeni nikod tuo jachien.  Jothurwa owadwani noter Kajakobo mondo olemne, kane wachopo to gini nochalo mana kod tugo mar "Vitimbi", wira nine wadonjo eod lemo kod wuoche, jalemo nokwongo othalo owadwani radar, nimano iriembo jachien, to nikech chik noket matek ni gima nabi timo ok ikwer makata in n'ga, to ji obedo piny kamabuse. Bang mano nomiye yedhe moko mag piny magalagala, jothurwa kane wadok dala awadwani neok ochako wuoyo kata matin, bang juma achiel kane tuone omedore ahinya tone wangado bura nikoro nyaka tere osuptal (New Nyanza General). Kane laktar opime to ne oyudo kaen kod celebral malaria mane osedhi moketho nyaka obwongone matuo mar "stroke" ogoye, to laktar nowachonwa ni, watero ng'ano osuptal modeko maonge kaka inyalo konye, kinyne bang ruake eod jotuo mohewore, kar wang onyango kane wadhi ngiyo kaka ochiew tone wayudo ka magoro noselal kode chon. Nyasaye nyalo gik moko duto to mana kiyie kuome, kain kod jatuo, lem to ter jatuoni osuptal to ka mar chango to obiro chango, tonikech kata mana osuptal Nyasaye emane omiyo dhano rieko mar kelo gima kamano.  Wachno omiyo aparo alambo magoro mane ojukowano. Ngato biro ni olokne omera jachien to kare wuod Kendu-Bay to malaria emanego. Tang uru ahinya kod jonabi mag miriambo.

 

An Ja

Kendu-Bay

Wuod Ochuonyo

P.Ongili