Jiwo Tiend weche ma Mig Nyaidho olose

09/24/2006
GRANTS WECHE MOKADHO AGAJA KUYO BARUPE WECHE DONGRUOK MBAKA NONRO JEXJALUO NGECHE LUO GI GWENG' THUM TEDO LUO KITGI GI TIMBEGI SIGENDNI LUO THUOND WECHE ;	Jiwo Tiend weche ma Mig. Nyaidho olose En wichkuot ne jo-Kenya kendo ne piny ngima ka Balozi ma onego bed kaka wang piny kendo otem rieyo weche ema bagni gi wach, nimar ok odwar puko mogo. Akwayo Mig. Rafael Tuju gi joka Bimbe duto ni kik gitamre yie adieri kuom timbe mag mibadhi gi kuo mosebedo e loch Kibaki. Sani en thuolo ma koro weche nyaka ket elela. Ne moluor Balozi Peter Oginga Ogengo yie item rito dhogi kendo bed jaratiro kuom weche mag mibadhi ma joka Bimbe njawogo piny Kenya. Kik iparni ka giriembi e tich to ok ibi yudo gago, ooyo, tije ng'eny pacho inyalo dok kata puro puothi moro ma yande iweyo kaluo. Kata Moluor Obama ma koro itemo nyagorigo bende nyalo kata mana pogoni dir lemo moro matin. To mana ka in ja-ratiro. Kuom yieni yie inyiswa gima nyocha Mig. Obama owacho marach mane nyalo chwanyi, kata ketho nying Kenya! Kik ibedni gima Tuju onyisi ema ilose in bende bed wuoyi ma wacho adiera. Balozi ma Amerka e piny Kenya, Mig. Michael Ranneberger bende nyoro otemo siro weche mane Mig. Obama olose. In to koro in ng'at ma nade ma inyalo kwedo weche ma thiro pinywa mar Kenya? Yie ikwa ng'wono ne jo-Kenya kuom weche mane owuok e dhogi! Sirikand joka-Bimbe thiro dongruok mar Kenya, omiyo nyaka walosi mana e lela. Nyoro Mikayi Martha Karua nosegolo nying jogo duto mane oketo sei e otas mar Anglo-Leasing kuom mano onge gima Mig. Ogengo nyalo wacho ni Obama noloso marach e wi winywa mar Kenya. Obama nowacho chandruok momako Kenya e bwo loch Kibaki ok rach mar Kenya."SIASA MBAYA MAISHA MBAYA". Kare loch Kibaki onge ng'at ma jadiera kata achiel, kata jalupne Moody Awuori gi wuod Nyadusi, Nyachae bende oseyudi gi ketho mar keto lwedo e otese mag Anglo-Leasing koro ere kaka wanyalo yie kuo Kibaki kaka jatelo, mano to ema Mig. Ogengo bod okne! Kethoni omako nyaka jo-ODM-K moko ma bende dwaro mondo obed Ker mar Kenya e tguolo ma biro. Kata kamano mago gi mana okoch joka Bimbe mondo wi ji owil gi richogi. Nyikwa Ramogi un bende miwa pachu kuom wachni kaka unene uwegi! Mago to gi mamoko ma ok alose yieuru mondo umed pachu kuom wachni. Moloyo ne jogo modak Amerka nimar onge kaka inyalo tuggi Obama wuod Alego Tat Yien! Kwe kende, Obong'o Nyakalaga mondo opuodh dhowa mar wacho adiera gi ratiro, kendo kwedo weche mibadhi. Adikinyi minwa mondo omenynwa yor rito piny g'adiera gi dimbruok! Wuon Abila, Mig. Ajos Kudbiri wuod Onjinyo Valley ===================================================== Joluo.com Ka in gi mari moro ma di wandik ka to orni Akelo nyar Kager, kata wuon Abila, kata Awino Rayier jaluo@jaluo.com wuonAbila@jaluo.com awinorayier@hotmail.com Daher winjo dwondi in bende, iwinjo?	IDWARO TICH? Inyalo oro twak kod weche manyien ne: Mig. Ajos wuod Atiga WuonAbila@jaluo.com GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. WENDO MIWA PARO OD PAKRUOK

Jiwo Tiend weche ma Mig. Nyaidho olose

En wichkuot ne jo-Kenya kendo ne piny ngima ka Balozi ma onego bed kaka wang piny kendo otem rieyo weche ema bagni gi wach, nimar ok odwar puko mogo.

Akwayo Mig. Rafael Tuju gi joka Bimbe duto ni kik gitamre yie adieri kuom timbe mag mibadhi gi kuo mosebedo e loch Kibaki. Sani en thuolo ma koro weche nyaka ket elela. Ne moluor Balozi Peter Oginga Ogengo yie item rito dhogi kendo bed jaratiro kuom weche mag mibadhi ma joka Bimbe njawogo piny Kenya.

Kik iparni ka giriembi e tich to ok ibi yudo gago, ooyo, tije ng'eny pacho inyalo dok kata puro puothi moro ma yande iweyo kaluo. Kata Moluor Obama ma koro itemo nyagorigo bende nyalo kata mana pogoni dir lemo moro matin. To mana ka in ja-ratiro.

Kuom yieni yie inyiswa gima nyocha Mig. Obama owacho marach mane nyalo chwanyi, kata ketho nying Kenya! Kik ibedni gima Tuju onyisi ema ilose in bende bed wuoyi ma wacho adiera.

Balozi ma Amerka e piny Kenya, Mig. Michael Ranneberger bende nyoro otemo siro weche mane Mig. Obama olose. In to koro in ng'at ma nade ma inyalo kwedo weche ma thiro pinywa mar Kenya? Yie ikwa ng'wono ne jo-Kenya kuom weche mane owuok e dhogi!

Sirikand joka-Bimbe thiro dongruok mar Kenya, omiyo nyaka walosi mana e lela. Nyoro Mikayi Martha Karua nosegolo nying jogo duto mane oketo sei e otas mar Anglo-Leasing kuom mano onge gima Mig. Ogengo nyalo wacho ni Obama noloso marach e wi winywa mar Kenya. Obama nowacho chandruok momako Kenya e bwo loch Kibaki ok rach mar Kenya."SIASA MBAYA MAISHA MBAYA".

Kare loch Kibaki onge ng'at ma jadiera kata achiel, kata jalupne Moody Awuori gi wuod Nyadusi, Nyachae bende oseyudi gi ketho mar keto lwedo e otese mag Anglo-Leasing koro ere kaka wanyalo yie kuo Kibaki kaka jatelo, mano to ema Mig. Ogengo bod okne!

Kethoni omako nyaka jo-ODM-K moko ma bende dwaro mondo obed Ker mar Kenya e tguolo ma biro. Kata kamano mago gi mana okoch joka Bimbe mondo wi ji owil gi richogi.

Nyikwa Ramogi un bende miwa pachu kuom wachni kaka unene uwegi! Mago to gi mamoko ma ok alose yieuru mondo umed pachu kuom wachni. Moloyo ne jogo modak Amerka nimar onge kaka inyalo tuggi Obama wuod Alego Tat Yien!

Kwe kende, Obong'o Nyakalaga mondo opuodh dhowa mar wacho adiera gi ratiro, kendo kwedo weche mibadhi. Adikinyi minwa mondo omenynwa yor rito piny g'adiera gi dimbruok!

Wuon Abila,
Mig. Ajos Kudbiri wuod Onjinyo Valley