Tuju dwoko penj otamo Amerka!

Minista mar weche pinje maoko mar Kenya Mig. Tuju dwoko penj otamo, noyudo jo-lendo moko dwaro yudo adieri kuom weche matimore e piny Kenya ka bende gin adieri to obagni managi dwoko.

Mago emane omiyo Mig. (Wuod Bungu) Bush nyocha oneno ni jotelo mag Kenya man e chenro mar twak e od bura mar kelo kwe e pinje (UN) oyudo ni ok nyal loso kodgi mano nyocha omiyo oloso romo gi Mig. Kikwete, Ker ma Tanzania. Gima nyocha gi wacho en ni weche mibadhi opong'o Kenya. Mano nyiso ni kare loch joka Bimbe osepodho nimar Bush ok oneno kata ng'at manyalo wacho dho-fwot-fwot malong'o? Kare Tuju to nosomo dhok mane e pinje maoko.

Mig. Bush bende onego ng'eni Kenya sani e migepe moko iwache mana dho-joka Bimbe maka idonjo e ofis mayor ma Nyorobi to iyudo ka jarit dhoot, kidhedhe, gi jagoro mar Waithika duto giwacho dhok achiel dhokni en dho-Okuyu omiyo kata e UN onego migi thuolo mar dwoko penjo gi dhogi giwegi. Kata simu kigoyo to karan dwoki mana gi dho-Okuyu.

Yande ndalo moro oyudo an Buore mit agoyo simu e odno ani ne wuoyo otama korka dho-Okuyu bende akia. Korka yande agoche laini mar Ong'weyo Yamo (mobile), dakika adek okalo kapod imanyo ng'at manyalo dwoka gi dho-fwot-fwot. Kar goyo Hello City Council  how can I help you? To odwoka manani; Dhiti Kanjo Asha Priis. Tiendeni City Council Ooyo! Jowadwa to mano doko tim!

Kare Tuju wuod Rarieda bende tinde dhumo mana dho-Okuyu maler ema omiyo kipenje penj Amerka to owacho ni en gi weche mathoth ma pod odwalose, ninyaka oduog pacho eka onyalo dwoko penjogi. Mano bende doko tim!, wan dwoko wadwaro mana sani. Ok kiny kata oruye...!

Mig. Kikwete notemo lero weche moko matimore e Afrika ma Ugwe moloyo ei Kenya. Tuju nyaka ng'eni ok en ema onyalo leng'o obadho mar joka-Bimbe; openjre nito; ere gima omiyo joluo duto otang' kodgi? Yawuotwa moselal e loch jo-rabuon to adi...?"

Wuod Rarieda walamoni mana hawi ni mondo ilos mogo maber, mak mana ndalo bende okayo sani to aneno ka ibiro mana dhi manyo ombulu Othaya kata Tharaka-Nithi.

Wuon Abila