KECH NYALO MIYO NGATO OTIM GIMA OK ODHI KARE KATA MATIN ENYIM OGANDA.

Jothurwa atemo somo weche mokalo kaka nyikwa Ramogi, otemo wuoyo to ahinya kuom jotendwa kaka Tuju kod Ogego. Wer muneno Tuju kod Ogego werono ok en wer maonge tiende, en mana kech ema omomako owetewago, machuno-gi ni nyaka gi kwedwa eka giyieng, mondo joka bimbe oneye kaka gin kodgi mondo tem wegie jikon giluok sande kod suprieche gichiem matin. Joka nyanam uneno kata mana a lot mar alango, inyalo tede chakre okinyi nyaka odhiambo to pod iyudo mana ni moko pod odagi chiek kendo pod tek nyowuoyo, omiyo ok wanyal koso ji bilagi, gin bende nitie kama giberie minyalo ketgie. Kendo ungeyo ni chiro ka chiro ok kos janeko, uparoni kaonge janeko echirono to ngama ji biro wuoyo kuome kinyiso nyithindo kod joma mon ninitie janeko moro marach ka, nyalo goyo nyithindo utang ahinya kaun echiro kod mon bende inyiso ni, onyalo kata mana mako joma mon tang uru. Useneno kata mana ngama dhako ma kuodho chwore kod mon wetegi ni anto neok ayudo dichuo, to sama owacho wachni, to en owuon emane dichuoni osere moyio kagin kendgi makata samoro chiemo ne tame koparo jalni, tang uru ahinya, jorieko ose somo ahinya to pok gilera malongo gima omiyo ong'ongruok loko lepe seche duto. Omiyo yawuotwa ariyogo, kech omako matek ahinya, dua ni ker Riaga Ogalo owuo kodgi, giringo od-gi nikech otedie a lot boo kod kuon bel, giringo gidhi gi nur ka jirani nikech itedoe gik malekore. Chieng mane jok kodi to noriembi ka guo athongo. To gimarach kodgi en ni ok gi-ne mbele, gi chow wigi enyuka adoka ginango maok gine kata ni mano en otegu mochikgi godo ginyalo moko saa asaya gichalo oyieyo, kech biro nyime maliyo kadhano maka ok gitang to gidhigi penj ngech gima negi neno momiyo itgi pod odino nyaka sani. Gi par kaka stori mar Joseph ne chalo e Muma., we gicham higa mabiro kende, to maluwe, yawuoyigo dwa nyagore kod pi chumbi makech maok modhre. Wadu wadu makata en raura to ok iwite.

En P. Ongili

Ja-KB