Bedo e achiel kaka nyikwa Ramogi Ajwang'

Amor ahinya ka awinjo kaka uwuoyo e mbui mar piny mangima. Nasewuoyo ma awachonu ni lweny ma Agwambo oyawo en lwenjwa to en lweny ma ikedo gi ombulu. Wane ni chien kuma waaye ng'ato ka ng'ato ma pok okawo ombulu nigi ombulu mar kedo lwenjno. Nanyisou maler ni wasebedo sigol aming'a, wabeduru achiel ma onge wach moro machielo ma pogowa. Ng'at ka ng'ato odwar ngadhu ma miyo nyikwa Ramogi Ajwang' kawo ombulu kar romo. Machunga to nyaka wanyodhi kata okech kata ochal nade. Machunga mane wanyodho kanyakla ema ne ogoyo bim ataro. An ka asea England ka ma adok dala adhi neno ni ombulu okaw kar romo kamoro amora ma adhiye Kamoro amora ma onagi nitie e pinyni ong'e malong'o ni achiel ma wango ema dhi miyo waloo lwenjni. Wan ipogowa nyaka karang'o? Ka koro waseywa jomoko konyowa nyodho machunga to wan mane wakelo machunga wadwa ringo wawee machunga mano donge wadwa siko e i sigol to wich to Nyasaye omiyowa mabith ma oloyo ji duto? Oko kuma onagi nitie mariek kama dwar uru kaka ubedo e twech achiel. Dwar uru kuma Nyar Kager riekie cha okonywae gi paro mondo wabed gimoro achiel. N'gato ka ng'ato otwe nungone gi pucha e lwenjni nikech lwenjni nyaka waloo to en lweny ma ikedo gi kwe kod hera. Dong'uru gi kwe nyikwa ramogi ajwang'.

An mosebedo ka wuoyo kodu

Olwero Achuku ja Kanyada Katuma