Joluo Owebwono Mine
Jokanyanam e piny ngima nyocha anwang'o kuyo kod wich kuot e okang' ma nyocha mine manie od bura ma Kenya ochokero ka gigolo chenro kod dwarogi mag dongruok, ne ofwenyore ni kuom mikeyni apar gaborogo ne onge mane oa e dhood joka onagi.
 
  Jodalawa onego wayiere uru ni ne wetimo both maduong' kuom weyo ma ok wayiero kata mana miyo achiel e kom od bura.Jaod bura mokuongo ma mikayi ne en onagi omiyo en gima lit ni ka tinde dhoudi mamoko osechiewo kendo ong'eyo ni piny ok nyal ger ka mine onge to joka onagi to pod ogalore kendo pod yanyo mana mine seche duto ma mine ochodore ka dwaro telo.Ma bende e kaka yawa matindo bende ogar gichien e yore mag telo ka jogogo to thianonegi.
 
  Nyikwa Ajuang' ma ok timre nikech mine man kod were mag telo onge e piny Luo to mana nikech achaya madwabede.Mine machalo Mikayi Madam Ladies, Monica Amollo,Ngire Jackline Oduol,Millicent Obaso,Phebe Asiyo, Juliet Ogejo,Sylivia Ogur,Wenwa Akinyi,Rose Okumu,Pauline Awoko, Rosa Buyu,Eve Obara,Maria Okong'o,Conslata Migowa, Teddy Olang', Elisabeth Amollo, Carol Oduol,Rosline Onyuka, Apondi Nyang'aya kaachiel kod Ida nyar oganda kod mine mamoko ma wigi tiyo osebo ka tiyo kod chir to nite jawa mamoko ma dwaro mondo onjaw tichgi seche duto.Mine makwanogo oromo e yore duto mag telo ok kata ni od bura kende.
 
  Mine kaachiel kod joma tindo ma joka nyanam nyaka koro tang' mondo giyud thuolo mar telo ma iyiero gi jopiny nikwop gin bende e ma githoth. Kuom kombe manie thurwa piero ariyo gachielgi ber wabi watem matek mondo wakel ma ok tinne mine abiryo to joma tindo ma hikgi pok okadho piero adek kod abich bende oyud ma ok tinne abiryo kae to abiryo mondong' bende waketie joma nikod lony mar higni mang'eny mondo bende obed kaka jong'ad rieko.To e riwruok mar Afrika ma ugwe nikech ngama dichwo ma ae piny onagi nyocha osetieko mare, sani owinjore yier miyo moro mondo odhi otwar kuno gi teko..
 
  Mine ma jakanyanam bende otem matek olar weche mag tayo  party machalo ODM-K mondo adiera obed e party kinde duto.To ka tek jokanyanam to wang'ni gimora amora ma iyiere to biro mana bedo ni yuth kata miyo nikech wan e ma wang'eny.
 
  Dag uru aming'a Minewa !!!! Dag uru aminga Ojende !!!!
 
  Jamumbo Maurice Aguko Mayora Ojako