Wathor Uru Twak Gi Dholuo e Mbuch Jaluo

Mokwongo Amedo pwoyo kendo asiro lwedo jowa ma osebedo ka semowa mondo wothor temo thuogo wechewa gidhowa e muini gidhowa, chutho to ne Odhiambo Omolo Jakamagambo ma osegolo paro ni e luo dot kom ka wanyalo kata mana pimo e weche mag kedo lweny ka obedo ni tek.kendo goyo sigana kwapandogo pachwa kod timbewa ma samoro ogak.Kik wayie uru ji ong'e wechewa ma ei agola gul nono to dipoka libamba obwonowa kendo chayowa kendo gimedo njawowa sidang'.
 
  Jokanyanam ber putu ka wechewa ma gul man kachiena watwakie kod dhowa lilo lilo ma ok wakiko gi dhok moro amora.Mak mana ni seche moko wanyalo oro weche moko gi dho ngere ka waseyudo ni gin mana magero dhoodwa mar onagi.Kuom Ranyisi ka wuod atwara moro odhialo onagi kaka wuod kingi ma jakabete Wamugane nyocha odhialo wuodwa cha to wanyalo dhienyo wachego gi dho wagunda kwachalo joma chamo nyadhi mondo ging'e ni yamo oloko en mana Amollo Tinga Wuod Nyalego wuod bade chieko, wuod Adonija rapinda alot kibul, Agwambo chuma liet ki mak  gilwedo ma
nyakwar Odima,ema wiko. En e wuodwa ma donglo ma osironwa jowasigu.Amolo yeye.....wuod Luo ma miderma.
 
  Daher bende mar hingone Jakamagamo ni Nyam Nyam (Owira) mane jatend Taliban ma wuod Ugenya ne magoro oseucho e higni mokadho to mano ok ng'is ni thuondi orumo,rueth onagi pod ni oko ma oyie kedo ne lokruok nyaka chop nyikwa Ramogi nuang' gima gisebedo ka gidwaro.Omiyo wawach uru dhowa mondo wakuothgo e sechegi ka nitie gima owinjore watim aruya.
 
  Sani ojende ma joka onagi osewuok oko mar kedo lweny mogik ma dwa gore e kind adiera kod mudho achodora chutho ni abiro mako okumba mar goyo lwenyni e yor mbui mopogore opogore to moloyo to e mbuyi mar onagi Jaluo.kom kaka Woun Abila kod lange osebedo ka timo.

  Thuuu! jakanyanam nyasach Omogi wuon Awando mondo ogangre kuomu gilala ruok nyaka odieching singruok chopi.Tinda adong dongo nera !!!
 
  Jamumbo Maurice Aguko Mayora Ojako