KAKA INYAL TIEK TIMBE MAG MAUNDO EI PINYWA MAR LUO.

WUON ABILA

kAKA INYAL TIEK WACH MAR MAUNDO E GWENGE WA MA KALUO.

Piny owacho yuak ni koro Maundo ose medore ahinya ei thurwa maka Luo kata ei Kenya mangima. En mana ka ngado rieko eyo maber mawan Joluo wanyalo tieko godo anjawo makama. Epinyni nitiere Jokuoge kod  jomundo matimo timbe maricho maduoko ji chien. Jakuo en ngat marach ma temo yudo gimoro kod yo ma ok kare.Onyalo wuondo wadgi kendo okawo gire  moro amora. Jakuo en ngat maonge kod hawi to nikech dhano ywakne koni kod kocha. Kuo bende en tuo mathiedho tek nikech ka onyuoli e koth kuo togini nie eremo. Nyathi Kanyna chalo kod min mare. In iwuon kaka achiel kuom anyuola mar Joluo medwa paro mari kaka wach kuo kod timbe mag maundo inyalo duok chien ei oganda wa.

Kadala nitiere Jokuo Udi makualo gik man ei udi machalo Kom,Kitanda,Gige tedo, Lewni kata chiemo ma otedi. Ongeti, Charan, Godhro kod mamoko bende. Nitiere Jokuoge ma kwalo  Dhok, kata Jamni kata Gweno  kendo nitiere jokuoge maturo Dukni mag ohala kendo nitiere jokuoge marito ji mawuotho gotieno kendo gimayo gik magin godo kuomgi kaka omuom kata Teru mar luedo ka wang chieng mangato otweyo e luete yawa gi nyalo lonyi kata duk ka iruako lawu ma odwaro. Nitiere Jokuoge mag Kalam maen odich mana kod kwwalo kod ndiko, Niere jokuoge mag Bengi magin kuonde kano omuom ema gidich godo kendo wan kod jokuoge mag mitokni kod moko ma ok akwano. Jakuo en Jakuo. Koro jothurwa timbe mag achach gi ose medore
ahinya e gwenge duto mawa dakie.

An awuon to aparoni nikech Nanga  (Government0 koro ose juango ji ber mondo waritre kendwa. Piny Owacho onono matut ma ofwenyo ni Ogul mama ema koro Jomaundo moloyo to gin ema onengo gikony kendo girit oganda. Ei gwenge wan kod Miruka kod Ruodhi to yawagi bende onge gima nyalo timo malongo. Wabed uru piny e gweng ka gweng kod jodongo ebura ma oriwo ji duto. Waket uru chik nika nduru kata uwi owuok to ji duto chopo kama nduru ogoyeno ma ngato ok nindi. Onyalo mana nindo ka dende ok ber otuo. Gweng nyaka rit mana kod jogweng.

(Neighbourhood Watch) tem rito gir wadu to in wadu onengo okonyi rito giri.
Nikech Jomaundo wang gi tek tojogweng bende nyaka bed kod wang teko mar tieko ngima ngat ma  duoko ji chien kod anjawo mar kuo. Gweng kethore mana nikech jok ma dongo oweyo ngado rieko maber mar tieko maundo ekor gweng. Gweng ka bweng obed kod kidienje maka owinj kata one ngato magalagala kawuotho ekor gweng to nyaka none matut mange maler kama odhiye. Yawuoyi matindo kata nyiri matindo nyaka mak osiep kod jok maoriere. Aparoni ber mondo yawa mapod tindo otem tiyo matek ka gigoyo ohala moko matindo , pinje man kod lowo maber mar matafware, tich luedo mar gedo , goyo ohala mar rech kain janam.  kendo ginyalo puro cham manyalo kelone gi omuom maber kaen pich machiek maber. Gik ma rawere nyalo timo ngeny maok ni en mana kongo kod wuotho awuotha ao yaye e kor gweng.Maeri en kar ngado rieko in bende medwa anena paro mari kaka anyuola mar Jaluo nikech chandruokni omakoji duto.

Nyasch Omogi Awando Otelnu Uduto Ei Piny Mangima
Jandikoen
Odhiambo Omolo Jakamagambo(Kodero Bara)