ASIRO WACH MAR JALUODOT KOM NYAKA NDIKI MANA KOD DHOLUO.

WUON ABILA:

Ok en hero marwa mondo wabed Joluo to Nyasaye ne omiyowa dhok mamit miwuoro nono. Jopiny ok odagi ni ok wanyal wacho kata ndiko dhok moko maok mekua  to kik wawe dhowa nikech en kitwa. Ok en miriambo ni dholuo Lal kendo kaok watang to en e dhok ma dwa lalie mapiyo moloyo dhok moko. Yawa ma koro oramo ni dholuo nyaka Lal gin Yawa ma wuondore ni oyudo tiegruok e ranginy mamalo. Thoth jothurwagi samoro gi riasore ni somo Dholuo tek kendo ndike bende tek. Wayie mana ni gisomo to giyie gi tem medo wuoyo kod dholuo kagin ei udi mondo nyithindo bende onge ni dholuo ok en dhok marach.

Apenjo kama, Wan kod  kuonde ma ilandoee kendo indikoe weche matimore ei Piny mangima ei Kenya kaka Wechemag piny Pile (Daily Nation), Wan kod machielo mailuongo ni Rapim (The Standard), Weche mag seche mag Kenya (Kenya Times) kod moko ma odong. Kangato nikod wachne ma oparo ni odwaro ndiko to ber mondo okete ei kuonde Lendogi ma oyie mondo owuoye kod dho Wagunda kende koro marua mar Jaluo dot komni to ere tiende donjoe kod dhok ma ok marua? In kata an ema nyaka tem siro ni dholuo en dhok mamit kendo ber. Wandik Dholuo kendo Wawach Dholuo to kain kama mwache nitiere to wach kodgi dhok ma ihero kendo berni to Jaluo to otem matek owach dholuo kod Owadgi kata Nyamin mare kata Watne moro amora kata Osiepne ma Jaluo. Ma onyalo wacho godo dhowa mamitni maen dholuo. Wachni kik ngato kawe marach ni ichuna ngato kod gimoro en mana hero mari ei chunyi mondo itim gima berni.

Nyasach Omogi Awando Otelnu Uduto e Piny Mangima
Jandikoen
Odhiambo Omolo Jakamagambo (Kodero Bara)