JOPINY MOR AHINYA KOD WECHE LEO ODERO OMOLO

WUON ABILA

JOPINY MOR SIDANG KOD WECHE LEO ODERO OMOLO NDIKO.

Kane pod atin ka an e kilas ariyo ne asomo buk mane ondiki mar Sigana mane
Jandiko ne en Leo Odero Omolo. Bugni ne iluongo ni Sigendni Maduogo Chuny. Ne nitiere Sigana mane Wuoyo kuom Wuoi mane achach mane nyinge Ochome Wuod Agulu to ne en Wuod Kano ma Sidho. Ochome ne timbene otamo wang Jonyuole kata ekor gweng ne en ja maundo chuth. Ochome ne otamore somo mane odhi manyo tich kama ne ibete Konga to kapok onindo ariyo to ogoyo nyapara ka nyise kaka onyalo ngado konga eyo midwaro. Wachne obedo ne Ochome matek makoro ne oluongne ochome Obila Miruai
kata Ogul Mama toka obila ne ochopo mondo omake otere ei od angech to otamore yawo dhot kata thigo ka onyiso Obila ni orit matin gioko pod odich omadho  njaga kata nyasore bange eka obiro winjo gima yawago dwaro. Obila ne oturo dhot to kane gi donjo to Ochome ne kare ritogi kod Pala mabith. Ochome ne ok odeko ka pod ok achamo Obilani Pala e bundit iye ma obila ongielore kucha ma otho mana tikli to nyawadgi mane gin go ne oringo ngwe aputh njiri ni tienda gima ne achamo atuoni. Ochome ne ok wach mar Ngato omako,nikech ne otimo duache kendo wange bende ne tek

Sigana Machielo mane nie bug Leo Odero Omolo ne en sigand Ajwang Nyar Kadem maeri bende ne sigana mamit mokalo. Kwayona chalo kama Migosi Leo Odera Omolo,Yie mondo bugenigi chak iketgie e sikundewa kata kuonde ma iuse buge mag Luo mondo Nyithindo Osom gi mondo gi nge dholuo e yo mayot nikech kaok  wan Joluo watang to dhowa mamitni Lal nono. Angeyo maber ni Jondik buge kaka Leo Odero Omolo koro ginok ahinya nikech Yawa mathoth ok ohero wacho kata ndiko dhowa maen Dholuo. En mana Kwayo eyor medruok rieko. Kik ngato kaw wechenagi marach ni mit en ema awuoyo kuome. Wamedreuru mana paro eyor jiwo.

Nyasach Omogi Awando Otelne Joluo duto epiny Mangima.

Jandikoen
Odhiambo Omolo Jakamagambo(Kodero Bara)