Atwara ok dar Onagi sidang' nono.  

Jo thurwa, tinde e ka ayie ni jorabuon kare ok dwar onagi. Giwuoyo marach e wach mar bedo ni Amolo wuod oganda daro bedo jatend piny. Kisomo gazet to ibiro yudo ka kata jondik weche ma atwara njawo Amolo sidang’ nono. Jopiny duto ong’eyo ni kuom jotendwa nan tie sani to Amolo ohewo gi. To nikech en onagi, gitamore ngang’ ni ok onyal telo. Ka ne ogolo wach Atur oko e lela to jorabuon kod osiepegi okwer ni oriambo. Bang’ dwech ang’wen to iyudo ni kare ne owacho adieri. Sani koro ka Agwambo nyiso gi ni nenore ni Atur oduogo kendo oyudo ni iloso weche mag nege to gitamore. Wang’ni to akia ni gibiro wacho ang’o ka jopiny ofwuenyo ni gino en adier.

Apim nue ni kanyocha asomo ndiko mar jal moro mane temo wuoyo kuom jotend jorotenge mangima to oyudo ni wuod oganda okawo namba achiel kaeto mosenindo Garang’ mawuod Sudan ne nyalo bedo namba ariche. Nikoro ma ewuoyi ma jorabuon temo kwero oganda mamoko mondo kik gone ombulu.

Walem uru matek nimar wang’ni to nenore ni Tinga kawo lojni. To maduong’ ni wan kod wedewa, wabed gi ombulu, kendo wago ombulu ka seche ogik. Ero uru kamano joka Nyanam.

Omamo Ogola.