LUOCOME egima wadwaro sani

Wan Joluo wasethagore ahinya nikech piny owacho osebedo jasikwa nyaka ne Jaramogi wuoge tie Kenyatta. Wan gi sombe mopogore opogore kuonde duto tee e pinyni. To moloyo ahinya mohingo somo ma wan godo, wase nindo moingo mwache duto tee. Sani ka waketo wangwa maber ahinya:

Bengi mane ma iluongo go nyingwa e i Kenya mangima?
Kar thiedhruok mane ma nie piny Luo  ma daktache ma Joluo osechako ka ok wangiyo kar chiemo mar gi matindo tindo (clinics)?
Kar goyo ohala mane maduong (Supermarket) ma uso chiembwa ei Luo mawangodo ka ok wangiyo mane abonyo (wainde) ochako?
Kar somo galamoro mane kata od galamoro (press)mane wa godo?
Kar somo mane maduong (university) ma wase chako ei thurwa?

Magi jothurwa gin gik ma nyaka onengo wapar ahinya, kik waso wiwa ei siasa moingo dongruok wa. Joluo mangeny ose tho ndi, to nikech kech, touché, thagruok, waundu, kod siasa ema oketo wa ni mondo jowa o thoo. Nyaka ticha adi ma wa bo bedo ka jowa thagore kama? Joluo wawe uru sunga kawa dwaro timo gima konyo jo thurwa.

LUOCOME en gima onengo ruak, Joluo duto tee, mani Kenya, kod loka. Wawe keto wiwa ni joma ni Loka ema wapako sate gi sombgi to dala ji thagore. Onge tiende pako sombwa ka onge gima sombwa konyo godo jothurwa. Sani onengo wa wach kaka wanyalo golo jowa e otegu ma wantiere ni.

Mig. Geoffrey Okelo, Jagem Asumbi
Raleigh NC