AGAJA

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

 
  
 

1. Otama neno yo maler ma wanyalo loko kodo dak kod ngima maber mar joluo eyo mapiyo ka ok wakawo loch mar Kenya. Serikal temo geng'o yore duto ma wanyalo dhi kodo nyime kaka oganda mar joluo. Ok awach ni kik watem kelo dongruok marwa wawegi kwonde ma wawouk ye, kata an awuon an kod maga ma atemo piny America koni ma abiro nyisou bang'e ka oselosore. Awacho ni mondo wakel dongruok madongo maloko dak mar jowa piyo, nyako wabed e telo.
2. Nitie yo achiel kende ma wanyalo kawo kodo loch, en mondo wariwre e tok Agwambo kendo wamed miye teko eyo moro amoro ma wanyalo. Ase somo jok moko mawacho ni mano en paro mar rumbi. Kik ng'ato par ni en oriek ma ohing'o rumbi mar ji! Podi ok awacho ni Agwambo onge kod ketho mage ma osetimo. Daher wacho ni ka wase puodho jatelo to nyaka wamiye teko elela, to ketho mage to wakwere ka wakwodho ne e ithe mos. Ok wanyal bet ka wawacho gik maricho kuome mondo jiduto nyaka wasigu owinj. Mano en fuwo madoung'. Wase chopo machiegni, to iwacho ni "yie nimo ka chiegni gowo", omiyo nyaka watang' ahinya.
3. Jomoko esawacho ni mondo joluo opogre mondo wabed kod pinywa kendwa. Ma en paro maber to an aneno ni wachak kod wach mar majimbo ma jotelo mag ODM-K nyocha osechako wacho matin tin. Ka wase gero korwa maber to waneno ka kabinde moko podi ok dhi kodwa maber eka wachak wach mar pogruok chuth.
4. Wabed ka wayawo wang'wa. jo atwara biro temo yo moro amora ma ginyalo tamo kodo Agwambo kawo telo nikeche gik maricho ma gise timo ni joluo. Nyocha jakong'o makoro otelo ni pinywa oriembo jowa mang'eny ahinya etich. An awuon oriembo owadwa ma Engineer mar ndara, kod woud awadwa ma ne tiyo  kar Osuru mar serikal. Kendo ase winjo ji mang'eny ma oriemb e tich ma onge gima rach ma gitimo. Jotelo ma jolang'o bende oluor nikeche gik maricho mane gitimo ni joluo, omiyo gibiro temo gimoro amora ma ginyalo mondo Agwambo kik kaw loch. Nyocha wuneno gima janek Ouko temo timo. Wan ema nyaka wagore matek ni wuodwa. Gise yiko pesa mang'eny ahinya ma gibiro tungo kodo piny. Pesa moko gidwaro miyo nyithindo kaka ndalo mar KANU Youth. Wan ok wan gi pesa kaka jolang'o kod atwara mane okwalo pesa mag serikal, to nyaka watem choko pesa mar kampein ma Agwambo biro tiyo kodo.
5. Joluo duto man epinje ma woko ( Americas,Europe, Asia) wachak loso yo ma wabiro dok kodo dala ndalo mar kampein kod ndalo mar goyo ombulo, mondo wanyis jo Kenya teko ma wan kodo kaka oganda Luo, ka waringo e piny mangima gi kalatase mag kampein.
6. Ka adok e wach mar dongruok, jowa mang'eny ong'eyo kaka nitie pesa mang'eny ahinya ma onego wadwar kaka wanyalo yudo mondo ochop e kor gwenge magwa ma Nyanza. Riwruok kaka Global Fund, to kod mamoko, oyawo pesa motimo ataro mag HIV/AIDS, malaria, kod TB, to nyaka walos rieko ma wanyalo tero go pesa gi thurwa mondo okony jowa ma nie dala. Joma ong'eyo weche gi mondo omedwa rieko.

Ka in gi mari moro ma di wandik ka to orni
Akelo nyar Kager,        jaluo@jaluo.com Daher winjo dwondi in bende, iwinjo?

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK