NGATNI POD OK OLOKO KITE KATA TIMBENE.

WUON ABILA

Piny owacho pod neno anjawo kuom jamaundoni e kind oganda mar Joluo man ei NewJersey, Pensylvenia,Connecticut, Maryland kod tim mar anjawo mar Jaduongni. yande Wuothoe Udi kuonde mag josiasa ei Kenya.Piny Owacho ne thoronene ka okuecho e dho ot mar chiemo kendo inindoe ni Hilton , Intercontinental,New Stanley Hotels ei Nairobi.Ne onyalo chung kanyo odiechieng mangima ka orito ja Siasa moro mane a Ndhiwa. Ngatni koro odonjo America kendo osiko kod timne mar Anjawo mane otimo Nairobi chande.Oonge kod wich kuot kod dhi e uteji kata dhi e budho maok oluonge.Okwayo chiemo ka odonjo ei ot kendo owuotho awuotha ochalo
raura.Jothurwa, wa tem uru bedo jogo ma olony. Wuoyini Ongeyo ayenje duto kod weche madongo mag anjawo mag ketho nying ji ma oonge kod luor kuom en owuon.Gima duong machande ni oparoni ongeyo to ka inono matut to onge gima ongeyo.Chandruok mare en ni sikul ne okalo mana tok dalagi,ne onengo odhi oteme matin okale kata kilas abiryo nikech kilas angwen odwa bedo piny ahinya to America to mariwa makata Jojamaica kata Jonigeria opongo America ma moko ok nyal wacho kata  ndiko gimoro amora,to aparo ni gidak kod wedegi eyo maber ok mar ayenje kod ketho nying jowetegi.

Wach ma ondiki kaerini en adiera, maonge miriambo kata matin.Endalo ma ose kalo, yande ofwenyo yo moro mar Miriambo ni ongeyo kaka iyudo kalatas ma Majan Lum kamoro yo Connecticut,ne ochako yako omuom kuom anyuola   wa ma Joluo ka ochoko kuomgi Omuom kendo oterogi kuro. Ne okawo Omuom machakore $2000.00 TO$3000.00 Ne otimo timni kuom ndalo mabuora kendo ne oyudo omuom maber mabende oyude kata nyar wegi moro ma wuongi jatelo moro ei Homa Bay town mane onge kod kama okonyre
maber ei America. Ngatni rach miwuoro kod timbene to ndalo mare en piero angwen kaka ndalo mar Jakuo. Piny Owacho Ngiye maler kendo ok bi budho kapod ok oruake ei od angech.Kik wabed jogo ma dwaro mana kelo koko ekind oganda marua to wabed uru jogo maok tim anyali ne jowetegi. Wuondo ngato ma ikaw Pesane ok en kido maber ka in iwuon ingeyo maber ni yo ma ingadone nywaduno ok nyak konye.Thoth anyuola man America onge kod kalatas ma Majan Lum mar dak kata yudo tich ei America. Jaduong ni koro ose kelo timbe mag Anjawo mag kuo kod Kwecho ei America ka. Ngatni thoth ji ongeye kod timbenegi. Ka isomo wachni to ine ei America e aluora
mar NewBrunswick to idak kode machiegni ahinya koro tang ka inene odi.

Nyasach Omogi Awando Otelnu Uduto ei Piny Mangima.

Jandikoen
Odhiambo Omolo( Jakamagambo(Kodero Bara)