OBONGO NYAKALAGA NYASAYE MAR POLO KOD PINY

WUON ABILA

Piny owacho ose temo nono kaka wan Joluo ne walemo endalo machon.Jo wagunda ne obiro kod miriambo maduong ahinya ni gin ema Nysachgi ber. Yawagi ne gi Jokuoge mane obiro Yako Mwandu magua kaka Joratenge. Lamo ruoth Nyasaye en gima ne Jaluo kata Jarateng ongeyo kata Jo Wagunda ne pod ok ongeyo gimoro amora ei Afrika.  

Joluo ne oluoro Nyasaye ahinya kendo ne gilame maber kod chunygi duto. Wach mar Lando wach Nyasaye eyor ohala en kido marach. Nyasaye ok onengo ongiew kendo Nyasaye ongeyo kawa onge godo kendo kawan godo. Dinde masani gin mag ohala (Commercial) kendo thoth gin dinde mag jokuoge. Kuom Dindegi gitemo tieko nyingewa mamit Kaka Odhiambo Omolo, Owino Osir, Onyuera Aguko, Wanemba Agwata Gimyoji nyinge magalagala kaka George,Charles, Peter, Crisantus, Paulus kod moko ma ok akuano. Kuom jok ma Nyiri kata mine gin Achieng Ouma,Anyango Omolo, Adhiambo Otieno to Ichuni ni nyaka ichul omuom mondo iyud nyinge magalagalgi ni itisi koro iluongi ni Grace , Judith, Beatrice  kod moko maok akuano.En mana ngado rieko mondo kik walal kod timbe maok mekwa.

Wan kaka Joluo wan kod dindewa mabeyo ahinya kendo ok dwarie Omuom eyo ma idware Omuom e dinde mag Wagunda.

. Joluo ne timo misango kod Miyo wadgi chiemo eyor mor kod dimbruok.Ne nitiere ndalo keyo cham e puothe mane gi bedo kod budho mamuol kod jogi duto kagilamo Nyasaye kuom miyogi chiemo maber.Ne ok dwar koko kata timo tim maundo ndalo keyo nikech maeri ne nyalo miyo chuat nyalo wuokie ekind oganda kendo kech ne nyalo bedo mangeny. Weche ma awachogi, thothji nenogi to ok gikawgi kagimoro. Kane ochopo kata ndalo doyo cham e puothe to Ji moko ma timbegi ok oriere otimo gimoro marach machalo kaka nego ngato kata Yanyo ngato ne Koth nyalo chwe kod Pee kod yamo maketh cham duto koro Joluo ne ohero kwe ahinya e kindgi gi wegi kata jogo mane odak kodgi machiegni.

Lamo Nyasaye ber e seche duto kendo Nyasaye oherowa ahinya kaka joge maen emane ochweyo. Kik ngato wuondre ni en ema Nysache ber moloyo mar nyawadgi. Wan kod Dinde mathoth kendo ngato yiero mana ma odhiye. Nitiere Jokatholik,Joadwen, Joanjilikan, Joapende, Joroho, Jolejo kod moko makia maok akuano. Wan kod din mar  (African Traditional Religions and Believes) Wan kaka Joluo karua maduong ma onengo madhiye higa ka higa mar dwokone Nyasachwa ero kamano en got Ramogi maeri ekarwa ma ok onengo ngat ma Jaluo man ei Kenya kata Tanganyika onengo otho maok odhiye.Wechegi gin weche mane otimore kendo gin kitwa makoro Lal Obongo Nyasaye manyakalaga, ober seche duto.Wamed Lame eyo maber to kik wakete mar ohala.

Nyasach Omogi Awando Otenu Uduto e Piny Mangima

Jandikoen
Odhiambo Omolo Jakamagambo(Kodero Bara)