PII MAMIT MAR MACHUNGA (ORANGE JUICE) OKELO WERUOK EKIND DHAKO KOD CHUORE

WUON ABILA

Piny owacho yande owinjo wachni to ne ok okawe mapek ahinya. Nyadendi moro majaber miwuoro yande oromo kod Wuoyi moro mabende kwanyore ka luongore ni koth beyo. Yawagi ne oromo kuonde budho magi chako herore. Negi chako kod limbe bange koro Wuoyi ne oneno ni onge tiende mondo gipog dak. Wuoi ne ok ongeyo adimba kit nyako to nyako bende ne ok ongeyo kit wuoyi koro ne wuoi otemo matek karingo odiechieng mangima ka odaro gigene otero eod Nyako mane Jaberni. Wuod Wegi bende ne mor ma odonjoe ot ma ochako chano gik moko kaka Kombe kod Otanda Ne ochako
keto ot maber ka oketo Pichni mage mabeyo e kor ot kaka wuon ot. Ne omedo timo gigi kaka wuon ot to nikech ne en Wuoyi majber mak mana ni ne en kod paro matin kod wich diny to Nyarwegi Majaber bende range mos kendo temo kwere ni owe loko gik moko kaka ne oyudo odno. Wuoyi ne wiye tek ne otamore kendo odhi nyime kod fundo ot. Nyadendini ne pod ok oyiene Wuod wegini mondo obi odag kode tonikech paro matin, wuoyini ne ok ne kata par matut Lal mane obiro yudo kaeri.. Nyako Majaberni ne otimo ngiewo gige ma orome chamo kende nikech ne odak kende (Fixed Budget). Kane ochopo godiechieng to wuoyi wuok  yueyo e dhot Veranda  kaka ngatmane dhode. Nyakoni to ngiye mos kendo wuok dhi tich weye kaen oyueyo e dhot
oko. Chieng achiel Nyakoni ne odhi tich godiechieng to bange ne omedo tiyo nyaka otieno mane onindo oko ka tich. Kane oduogo eot to odonjo kariyo ohewe ahinya to odhi mapiyo mondo ayudie madh mangich mar Pii Machunga (Orange Juice)to oyudo mana ka baraf ninono manyisoni Wuoyini kar dhi etich kaka chuo wetegi to ne odich mana kod madho Pii Machunga (OrangeJuice) duto motieko. Nyar wegi kane oneno timni ne okoneni owuogne ot maok dwar nene, kapod oparo mar penje gima timore to gigene  ema oneno ka Nyakono ose chako juro oko.Gigi ne otimore piyo makata wuoyino ne wachni omako dhoge, ne oriembo wuoyino ahinya kendo onyise ni kapod ineno kanyo to (Police) Ogul Mama nie yoo biro. Wach ne obedo ne wuod wegini matek chuth ka olarore ni kik (Police) yude kanyo. Nyadendini ne ok oluoro gimoro nikech ngatni ne en ngat ma paro mare tin, e seche mane odich ochoko gigene manenie liare to oketoTol matin mar wuoymar ofuko (Cell Phone) Nyadendini ne okawo chuth ma pod ok oduokone nyaka sani.

Wachni Jothurwa Yande otimore ei Kamoro ni Union ei New Jersey e piny mar America. Gima wanyalo kuom Siganani ni samoro kia kelo ga chandruok to kendo wan kaka joma chuo kik warikni kod yawa ma waromogodo kuonde budho ka iparo ni oheri to kare ne en mana hera mar kar budhono kende.En wich diny emane oketo wuod wegino achandruokno koro wan kaka dhano nyaka wange kendo wabed motang ne timbe mag achachgi.

Wechegi gin gik mane otimore adiera kendo en sigana ma thoth joma odak New Jersey Ongeyo ji ariyogi.

Nyasach Omogi Awando Otelnu Uduto E Piny Mangima.

Jandikoen
Odhiambo Omolo Jakamagambo (Kodero Bara)