JOGI TO E JOKA TO LEWNI EMA GILOKO

WUON ABILA

Piny owacho luongo gi ni Jogi e joka to lewni ema giloko. Kenya koro ose bedo kod (Presidents)  Jotelo mar rito piny adek. Kane ochakore kod Johnston Kamau(Kenyatta), Mar ariyo en wuod Baringo Daniel Kiptum Arap Moi kendo koro wan kod  wuod Nyeri Othaya Ma iluongo ni Elmiyo Mwai Kibaki. Jothurwa yawa gi chalre kod timbegi kendo wechegi mag achaya ,kuo, ayany, kod timbe moko mag maundo maok akuano to nikech ginie telo.

Ber mondo ngatno ma oyier mondo otelne ji obed ngatno majaratiro kendo ohero pinygi kod chunye ma iye. Wase bedo kod jotelo maok ohero pinygi chuth. Yawagi kwalo Pesa mar jopiny golo oko dhi kano mana e bengi maoko kendo gi ngiewo wudi oko e pinje mag odiero to giweyo ka jopiny chandore chuth. Ok jokenya ose bedo mamor kod jotelo adekgi kod tichgi kata timbegi. Ok gipogore ngang en mana ni Nyingegi ema opogore kendo kaka giruakore bende opogore to gin mana kod tim achiel mar chayo jogo mane oyierogi e tich mar rito piny. Koro Jokenya onengo oyierie ngat man kod chuny mar loso to ok mar ketho yako kata kwalo pesa jopiny.   Koro maeri e tiend wach mar JOGI E JOKA TO LEWNI EMA GILOKO.

Nyasach Omogi Awando Otelnu Uduto e Piny Mangima Uchak Higa Manyien Maber.

Jandikoen
Odhiambo Omolo Jakamagambo(Kodero Bara)