12/29/2006
GRANTS
WECHE MOKADHO
;
CHANDRUOK KAKA THO DONJO NE DHANO DUTO
----- Original Message -----
From:
Odhiambo Omolo Jakamagambo
Sent: Sunday, December 24, 2006 1:33 AM
Piny owacho ose nono matut kaka koro dhano timore kod wach mar tho. Chandruok biro apoya to kendo bende onge ngato ma ongeyoni biro bedo kod chandruok. Wan kod chandruok mar kuyo ka wawito wadwa kata osiepwa,Chwori, Owadu, Chiegi, Nyathini, Nyameru kata Owadu. En lit kendo kod mirima ne wan kaka dhano ok diwaher mondo achiel kuomwa owewa. Nyasaye emane ongeyo kaka ochueyowa kendo en ema ongeyo chiengno mar dokwa e lowo. Timbe kata weche ose timore mathoth kaluwore kod kaka ikonyo wadu seche mar chandruok. Wan kod Jogo ma ohero goyo sigoyi ni onyalogi nikech nyocha gisungore ahinya to bende wan kod jogo ma bedo kod jogo ma oyudo chandruok e achiel kuom kuyo magin godo. Wan kod Yawa ma iluongo ni osiepe mag math kod chai kod chiemo kod omuom kendo gin ema samoro iluongogi ni osiepe mag ( Hallo)Nango? Yawagi oheri ahinya sama in maber kendo kain Jakamagambo Koro idendi mana ni Ogambo,Thoth yawagi ongeyo ahinya kaka giluongi kata gi dendi sama ber nitiere Koro nenore ni wan kod tudruok eyore ma opogore. Wan kaka Joluo, ber mondo wakonyre seche duto kanitiere ber kata kanitiere rach.
Piny owacho ose neno kahera nitiere ekindwa mangeny ahinya e seche maduarore.Weche ma awuoyoe gi timore e kindwa epiny mangima. Awuoyo kaka ngat ma odak oko mar Kenya kendo aneno duto matimore e aluora mar kama adakie. Wase lalo dhano mangeny ahinya ei America kaeri kendo wan kaka Joluo watemo matek ahinya mondo ringre wuodwa kata nyaminwa ma olalno ochop dala Kaluo kucha mondo okane maber e gweng gi kod anyuola mare. Gima duong ma ose mako dhoga ni nitiere yawa moko ma timo timbe moko mag achach kuonde liel gi kagi medo mana chandruok ewi chandruok Inyalo yudo ka ngato odhi kama isole omuom matin mar tero ringruok dala to obedo kanyo Omatho, Kongo, Chai kata pii ma one maler ni Ochiemo to ngatni ok chul kata mana ndururu kendo obedo ka ma oting kata math moko kod chiemo oa godo. Yawa moko bende dhi kuonde liel ka nikod chek ma ongeyoni pesa onge iye, ngatni biro bedo kaeri ka ometho kendo ochiemo kaeto ondiko chek kod kwan maber inyalo yudo ka ondiko kata $200.00 KATA $150.00 Chegni ka itero e bengi mondo ogol okony wach chandruok cha to chikore omuom onge e bengi kaeri , in iwuon main kod chandruok bengi chako goyi fuayini $30.00 nikech itero chek marach. Jothurwa magi gin Fuwo , Kuo kod tim mar Juok. Kar Konyo to in imedo mana ketho. Wechegi ose bedo katimore kuonde chandruok ei New York, New Jersey Kod Pennsylvania berne ni yawa ma ose bedo ka timo timbe anjawogi koro Piny Owacho ose ngeyogi to nitiere ngat achiel ma ruakore maber kendo otueyo long ebund iye malo ka ochalo ngat ma odak maber ose bedo kotimo tim marachni ahinya kendo thoth ji ongeye maler nikech odak kamoro machiegni kod Kendal Park ei New Jersey. Wan kaka jogo maok oyie kod timbe mag achach gi to nyaka wawuoye awuoya motegno. Lok pachi ka oponi itimo tim marachni. Piny Ongeyoi maber kendo kuonde ma ise chiwe chege maricho. Mano doko tim Wuod Wegi?
Nyasach Omogi Awando Otelnu Uduto.
Jandikoen
Odhiambo Omolo Jakamagambo(Kodero Bara) =====================================================
Joluo.com
Ka in gi mari moro ma di wandik ka to orni
Akelo nyar Kager,
jaluo@jaluo.com
Daher winjo dwondi in bende, iwinjo?
IDWARO TICH?
INJILI GOSPEL
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.