NYING RAILA ODINGA YAWAMOKO KORO TIYO GODO EYOO MARACH

WUON ABILA

NYING RAILA ODINGA KORO  YAWA MOKO TIYO GODO EYOO MAOK ADIERI.

Piny owacho ose nono matut ahinya kaka wach mar timone Raila Odinga kampen ji moko koro ose kete kod timbe mag achach. Loch en gima ber kendo ber mondo wuodwa bende otelie ne Kenya Mangima. Yawa koro nikod yuak ahinya ni nitiere yawa moko makoro oloko mana wachni ka tugo kod anjawo. Wabed uru jogo ma kod kido mar dimbruok ekindwa. Nitiere Yawa moko makoro wuotho ei Uteji kendo kwonde Mathkongo ka Wuondo ji kaka en Owuon Ongeyo Raila Adimba ma gimoro ma imiye mar konyo Raila biro konyo Agwambo chopo e tich.

Yuak nie ei Piny mar America ahinya kakoro yawa moko majo maundo ma piny ongulo ema sedore ei utji ni timone Raila Kampen.Gini ose bedo anjawo ahinya kuom Jowa man kod Nyithindo manyiri mapod tindo, Yawagi goyo sime nigiduaro wuoyo kod weg ot to ka nyathi manyako obiro omako sime to Ochako maber ka owuoyo mamuol kod rawerani to bange en ngat ma chako wuoyo kod nyathini eyo marach mar Kisera.  Yawa moko onge kod wich kuot en odich mana kod Jaodi kod sime ni otimone Raila Kampen. Yawa maeri koro en anjawo maduong e kindwa wan Joluo ma odak ei Amerika.  Wahero Raila Kod Chunywa duto to kik wakete katugo kaka koro yawa moko ose kete.  Tim kampen ne Raila eyo makare kik idhi eiod ngato gotieno bang saa angwen (10.00 Pm) ni itimone Raila kampen,Wabed uru Yawa ma olony, Kik itho wuotho awuotha kata kama ok oruakie ni itimone Raila Kampen. We uru tiyo kod Nying Yawa moko kaka Ajuoge ( Doctors), Ngire (Proffesors), Managers ( Jotelo), Diplomats ni jogi osiepeni kendo ongeyi  adimba koro iwuotho awuotha ma ikia pogo kama idwarie kata kama ok dwarie. Lony en gima ber kendo bedo ngatno ma odak ma ochanore bende en gima ber. Wan kod dhano mathoth ahinya ma ohero Agwambo to nitiere  jok moko matimbegi miyo chuny ngato nyalo bedo makoro ok ohero Agwambo.  Yande asomo wach mane Agiso Oludhe kod Odhiambo Omolo owuoyoe kuom tim mamono
mane ngato timo ekind oganda mar Joluo e aluora mar NewYork, New Jersey,
Pennsylvania, MaryLand kod Connecticut. Nenore ni thothji ose bedo kod yuak maling ling to kaka gitimre kod jok ma anjawogi odhierogi. We uru tiyo kod nying Raila Odinga eyo marach. Joluo  ma odak ei Amerika  thothgi ohero Raila ahinya koro tem uru tiyo kod Raila Eyoo makare.

Kik ngato kaw wechegi ni mit en ema Piny Owacho Wuoyo kuome, ooyo en mana ka puonj eyor ngado rieko eyo maber ma Wuodwa nyalo yudo godo teloe yo makare.

Nyasach Omogi Awando Otelnu Uduto Epiny Mangima
Jandikoen
Oselu Agwata  Ja -Uyoma Katwenga.