OR OGOYO MARO MA OLONYO DUK.

WUON ABILA.

Yawa ma kare eseche mane ondiki e kitabu mar Muma?  Gik madongo timore ekindwa kendo gi timbe wich kuot chutho. ? Piny Owacho temo penjo anyuola duto manie epiny mangima. Wan kaka joluo ne wan kod kido mar Luor kendo dimbruok adimba kamoro amora ma wadhiye kata wadakie. Piny Owacho ose bedo ka temo puonjo anyuola duto ni LUO KIT GI TIMBEGI . Ok en kido marua mondo timbe anjawogi otimre ekindwa. Nitiere Wuod Ndhiwa moro ma koro piny ngiyo adimba ma ose bedo katimo timbe mag maundogi kendo anjawogi. Yande kinde ma ose kalo ne odhi e budho moro to oyudo mama moro ma onengo oluongni mar mare ka obedo piny jobudho kod jokma mon wadgi. Welo ne odonjo kachiel achiel bange mama ma maroni ochung mondo omos wendo moro madichuo mane ongeyo to kuom hawi marach kata maber to negi hagore (Hagging). Wuod Ndhiwani ne ochungo malo kapenjo mama ma maroni gima omiyo omoso dichuono  kamano ?. Ka mama ma maroni temo wuoyo kod ja Ndhiwani mos giluor to Wuod Ndhiwa ose mana chungo malo kod koko gi goch  kendo yiecho lepe kayanye kaka en Malaya. Ne en wich kuot miwuoro ekind ji mane oa e kuonde ma opogore opogore. Owete kata nyimine, wabed uru kaka jokma dongo man koda luor kod jowetegi. kod timbewa kod wechewa ma wuok e dhowa.

Timbe mag anjawo koro ochopo e piny mar America kakoro ngato kaka Jandhiwani ne otimore kod mama ma onengo oluongni mar mare. Wachore ni chalo ni Mamani ne osiep ja Ndhiwani to ka ingiyo hikgi adimba to chalo ni Wuod Ndhiwani en raura kendo oran nikech mama mane ogoyocha ne oromo bedo min mare to nikech kaka ne odongoe kod gweng mane odongoe chaloni timbegi ne ochako neno chon koro ne ongiyo godo maok one wich kuot kata ni mamano ne duongne ahinya. Ne nyalo winjore kanyar Mamano ema obedo godo kaka osiepne to ok Min gi. En mana kapuonj jothurwa to moko to timore ma otamo wang.

Timbe mag achach gi Chalo ni nitiere sikunde ma ipuonjogie yo dho Nam kono to chaloni  moro iluongoni Aora Chuodho Primary School, Bondo Kosiemo Primary School, Wath Onger Primary School ,Lwanda Magwar Primary School, Ayego kata Aneko Primary School Piny Owacho pod medo nono gima omiyo Wuod Ndhiwani timore kama kendo dwarore ni Oor jotelo mag somo manono sikunde mondo odhi Ndhiwa mondo Openj (Headmasters) ka dipo ka  magi emagise bedo kagi puonjo nyithindo endalo mose kalo kata e sechegi. Ber mondo otem kony wuoyini nikech timbenegi biro miyo tweye to kik one kod ngato marach ni lawore kode.  Timbeni ema nyiso kido mari
kuom Oganda

Wachni yande otimore e budho moro eod wuod Ndhiwagi moro ma odak kamoro ma iluongoni Delaware endalo ma ose kalo kendo Yawa duto mane nie ebudho kanyo ne oneno wachni adimba kod wang gi. Sigana ni ne otimore adiera. Maro ne Nyar Nyakach ma otedo Gem to Wuoi to ne Wuod Aora Chuodho.  Pod Piny Owacho medo mana kwayo Jodhiwa ni gitem gibed kod buchgi makende mondo gilos nyinggi. Joluo ok tim timbe ma dhano neno kuom Wuod Ndhiwani.

Samoro nyalo bedo ni ngatni nikod jochiende, wuo uru kode mos mondo odog dala olose kod yedhe mag nyaluo, omiye manyasi omadhi to ka otamore to odhi e dini mar roho nyalo konye ka goyone Bul kod Ongeng kendo golone jachien ma iluongoni kulis. Musalaba makwar owuotho godo  ekore kod tat wiye  Mondikni (St) Satan temi. Ok oyiene moso kata mulo ngato gi luete nikech onyalo lokore kendo ma omak kata chii ngato gi thuon.

Angeyoni yawuot Ndhiwa kod Mond Ndhiwa nitiere ma oriere kendo olony maber biro konyo wuodgini.

Nyasach Omogi Awando Otelnu Uduto.

Jandikoen
Tiany Oracho Ja- Shirati Kabwana (Tanzania)