WACH KUOM NDIKO GI DHO-WAGUNDA E JALUO dot KOM

12/05/2006
GRANTS WECHE MOKADHO AGAJA KUYO BARUPE WECHE DONGRUOK MBAKA NONRO JEXJALUO NGECHE LUO GI GWENG' THUM TEDO LUO KITGI GI TIMBEGI SIGENDNI LUO THUOND WECHE ;	WACH KUOM NDIKO GI DHO-WAGUNDA E JALUO dot KOM An kaka Jambetre mong'irore e Jaluo dot Kom, atemo siemo jogo matemo ketho Jaluo dot Kom gi dho-fwotfwot moko onge kata gi ndhadho, nikech mondo owuorrego ni an bende ne nyinga owuok e mbui mar Jaluo dot Kom. Mago gin paro mar dok chien. Gima duong' en nito bende ung'eyo gima omiyo Jaluo opogore gi Mwache ma moko? Ne Jaluo gi tiende Ja-Mwa en ng'ato ang'ata ma wacho dhok moro maok dholuo. Obed Misungu, Ja-Indi, kata jorabuore ma moko mago duto gin mwache. Ne jogo mawacho ni dholuo ndiko tek an awuon aneno ni mano en paro mar fuwo, kendo en ming' ma onge kaka inyalo lose mobed maber ngang'! Dho-sungu en mana dhok mane okonyowa idho ndege ka wabiro loka Ulaya togi tunge ma moko mag pinje Asia. Mak mana mano ne ok omonowa wacho kendo ndiko dhowa. Akwayo jogo maluongore ni jodolo, dialmen, kata jorieko mamoko ni weuru wuondoru ne jogo ma ok oyangou malong'o. Ndikuru dhok ma jopiny nyalo winjo. Wach kuom mwache ma dwaro somo Jaluo dot Kom en ni nyaka gin giwegi gitem puonjore dhowa maen dholuo. Wasumbni ma koro oselokore jo-Wagunda yieuru undik dho-ngere kuma owinjorego; kuondego gin kaka; CNN, BBC, NATION, STANDARD, KENYA TIMES, AMERICA ONLINE gi ma moko. Wach kuom wacho dho-Mwache; kare koro wan jogo ma nyalo wacho dhok maromo auchiel miwacho e pinje Sungu man Ulaya madiere kare koro wabiro ndiko gi dhok ma moko maok dho-ngere kende. Kare Okuche bende koro biro ndiko e Jaluo dot Kom gi dhogi? Abandu, Okendo (Abagusii), Onjelo gi mamoko bende koro biro oronwa oboke gi dhogi giwegi. Apenjo jopiny nika uyie gi wachni to kare ok ana chak apenju wechegi kendo an bende abiro ng'wel gi Dhiamby wuod Rongo mondo jogo ma nyalo ndiko dho-wagunda mondo ondiki. Awuoro ni kare Jaluo en Jeuri adier, kata dhogi oseweyo kendo osumo dho mwache kendo omorgi! Wach mogik an kaka wuon Abila adagi weche mag kiko dholuo gi dhowagunda. Kaber to onego wapog gigi kendo waketgi kama owinjore kodgi. Nyasach kwere mondo oritu ndalo duto kendo omiu rieko mar pogo dholuo gi dho-Wagunda! Ajos wuod Atiga Ny'Ochola Wuon Abila ===================================================== Joluo.com Ka in gi mari moro ma di wandik ka to orni Akelo nyar Kager, jaluo@jaluo.com Daher winjo dwondi in bende, iwinjo?	IDWARO TICH? Inyalo oro twak kod weche manyien ne: Mig. Ajos wuod Atiga WuonAbila@jaluo.com GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. WENDO MIWA PARO OD PAKRUOK

WACH KUOM NDIKO GI DHO-WAGUNDA E JALUO dot KOM

An kaka Jambetre mong'irore e Jaluo dot Kom, atemo siemo jogo matemo ketho Jaluo dot Kom gi dho-fwotfwot moko onge kata gi ndhadho, nikech mondo owuorrego ni an bende ne nyinga owuok e mbui mar Jaluo dot Kom. Mago gin paro mar dok chien.

Gima duong' en nito bende ung'eyo gima omiyo Jaluo opogore gi Mwache ma moko? Ne Jaluo gi tiende Ja-Mwa en ng'ato ang'ata ma wacho dhok moro maok dholuo. Obed Misungu, Ja-Indi, kata jorabuore ma moko mago duto gin mwache.

Ne jogo mawacho ni dholuo ndiko tek an awuon aneno ni mano en paro mar fuwo, kendo en ming' ma onge kaka inyalo lose mobed maber ngang'! Dho-sungu en mana dhok mane okonyowa idho ndege ka wabiro loka Ulaya togi tunge ma moko mag pinje Asia. Mak mana mano ne ok omonowa wacho kendo ndiko dhowa. Akwayo jogo maluongore ni jodolo, dialmen, kata jorieko mamoko ni weuru wuondoru ne jogo ma ok oyangou malong'o. Ndikuru dhok ma jopiny nyalo winjo.

Wach kuom mwache ma dwaro somo Jaluo dot Kom en ni nyaka gin giwegi gitem puonjore dhowa maen dholuo. Wasumbni ma koro oselokore jo-Wagunda yieuru undik dho-ngere kuma owinjorego; kuondego gin kaka; CNN, BBC, NATION, STANDARD, KENYA TIMES, AMERICA ONLINE gi ma moko.

Wach kuom wacho dho-Mwache; kare koro wan jogo ma nyalo wacho dhok maromo auchiel miwacho e pinje Sungu man Ulaya madiere kare koro wabiro ndiko gi dhok ma moko maok dho-ngere kende. Kare Okuche bende koro biro ndiko e Jaluo dot Kom gi dhogi? Abandu, Okendo (Abagusii), Onjelo gi mamoko bende koro biro oronwa oboke gi dhogi giwegi. Apenjo jopiny nika uyie gi wachni to kare ok ana chak apenju wechegi kendo an bende abiro ng'wel gi Dhiamby wuod Rongo mondo jogo ma nyalo ndiko dho-wagunda mondo ondiki.

Awuoro ni kare Jaluo en Jeuri adier, kata dhogi oseweyo kendo osumo dho mwache kendo omorgi!

Wach mogik an kaka wuon Abila adagi weche mag kiko dholuo gi dhowagunda. Kaber to onego wapog gigi kendo waketgi kama owinjore kodgi.

Nyasach kwere mondo oritu ndalo duto kendo omiu rieko mar pogo dholuo gi
dho-Wagunda!

Ajos wuod Atiga Ny'Ochola
Wuon Abila