AKWAYO JOKA NYANAM

En wach marach ahinya ka ji dondore e mbui e kinde machalo kama. Asebet ka asomo weche ma ji moko poro e mbuch yawa mar jaluo.com kuom higni ariyo sani. Weche mane ji wacho kane achako kaw weche kanyo ne beyo mokadho.

Chakre higa mokadho, ji moko osebedo ka wacho weche maricho ahinya. Moloyo to dhaw matimre kuonde liete. Bende ung'eyo ni ji ma otho neno? Ka ng'ato en odhi e liel mar ketho, to mondo owene ahinya.

Aparo ni mbui ni nene ochake mondo okony yawa e yor tudruok gi yor weche dongruok. Ne ok ochake mar ayany, achaye, jaro ji gi weche moko ma ji moko oro kanyo e ndaloni. Wabed uru gi luor. Kinde ma nyocha penj mar ng'inyruok mar nyithindo mane tieko higni aboro mar somo owuok, ji moko otemo wacho weche moko ma ok beyo. Kaluwore gi wach mar somo ma sani, nyithindo tiyo matek mokadho.

Wan kaka anyuolagi, jotelo mag somo, jopuonj gi ji ma moko, ok wase konyo nyithindogo. Jopuonj ema mondo olok kitgi. Gi puonji ka gi luwo nonro ma oa e kar weche mar puonjo ( Kenya Institute of Education). Jo siasa mondo owe jotelo mag skunde oti tichgi.

Kuom ranyisi, dhaw osebet kadhi nyime e yiero mar school committees. Jo nyuol ong'ere kendo gi ng'eyo ji ma nyalo telo ni weche mag somo e kor gwengegi.Wawe gi mondo gi yier jotendgi e skunde.

Machielo, ji ma nene ochako skundego (sponsors) bende mondo wami thuolo mar wuoyo kuom dongruok mar somo e skunde duto. Higani koro nyithindo dwaro dhi nyime gi somo. Wawe popo itgi gi weche mag siasa.

Wajiw uru nyithindo mondo odhi nyime gi tugo e sama ma jopuonj omiyo gi thuolo mar timo mano. Jonyuol moko kwero nyithindgi ni kik gi tim tuke. Bende u ng'eyo ni tuke go konyo nyithindo?

Jotend somo mantie e kor gweng' onego dhi e skunde kinde duto mondo gi ng'i ni jopuonj puonjo kendo nyithindo onego penji ka gi neno jopuonjgo pile. Ka ng'ato dwaro mondo omiye thuolo mondo owach gimoro e skul ma kor gweng'gi to mondo odhi gi wachno ir jakom mar skul ma okwongo.

Kik wawe skunde chal gi chiro mar dhok. Awuoyo matin kamano mondo a jiw go jotend skunde, jotelo mag somo, jopuonj,jonyuol gi nyithindo. Akwayo ni ka ng'ato oneno gimoro ma awacho marach kuom gik man malogi,to obedgi thuolo mar kwera.

An Migosi Apollo Anyango.