Weche Mabeyo mag ngado rieko e kind Oganda.

WUON ABILA

WECHE MABEYO MAG NGADO RIEKO E KINDWA KAKA JOLUO.. Piny owacho omedo siro ahinya weche ma otegno ma owuok kuom Migosi Apolo Anyango. Joluo ne ok dwar timbe mag anjawo makoro dhi nyime ei Mbui marwa mar Jaluodot com kaeri. Ere gima weche mag Siasa konyo godo rawere e skunde? Siasa to ber to onengo ogoye ndalo ma odwarore.An awuon kaka jandiko ase temo ahinya wuoyo eyo kaka inyal kel pogruok kod dongruok e pinywa mar Luo.

Ndalo mose kalo yande awuoyo ahinya kuom gigo duto ma Migosi Apolo Omedo wuoyego.Som koda Jaluo.com ma tarik 21-11-005 ibiro neno kaweche mabeyogi ne ase wuoyoe to koro berni Migosi Apolo bende ounga luedo. In kata an ema nyaka kel pogruok e yo makare ne Oganda wa ma Joluo.Kik waket Siasa e skundewa to waket uru gigo duto ma dwarore ne nyithindo e seche mag somo kaka Buge Mabeyo Ma Nyithindo somo kendo ndikoe, Kaka Kwonde bet kaka Kombe(Mbero), Od somo (Library) Jopuonj man kod tiegruok motegno,Jogweng nyaka ema bed kod dwol e skundgi nikech gin e weg sikul kendo nyithindgi ema yudo somo kanyo.

Kik wabed kod ayany kata weche maricho kuom Jopuonj mabeyo to onengo wakwer jopuonj maricho maketho ne nyithindo kinde kod weche mag Kongo kod Chode ekor gweng maeri onengo otim eseche mag bura ei sikul ka Japuonj rach to onengo oloke otere kama chielo.Kik wawuo marach kuom Japuonj ka Nyithindo ma opuonjo winjo maeri biro medo achaya ekind nyithindo kod japuonj marachni. In kaka Japuonj ka isomo wachni bed ka ingeyo ni gimoro amora ma itimo kata iwacho chopo mabor, Nyithindo neni kendo gingeyoi maber chuth Pile nyithindo ohero japuonj ma puonjogi maber kendo ok gidwar winjo ngato ka wuoyo kuome marach.Nyithindo ongeyo jopuonj ma oloyo jonyuol.

En gima ber maok anjawo eyo moro amora.Kik imadh kongo e seche ma onengo obedni ipuonjo nyithindo,kik ibed maonge e skul eseche ma onengo obedni ipuonjo nyithindo,Jopuonj nikod chandruok maduong ahinya nimar gin ema gin kod nyithindo e seche mangeny e odiechieng. En kosa ne serikal mondo kik chul jopuonj pesa ma oromo kod tichgi.maeri ema miyo wach tich mar puonj ok omako thoth jopuonj gihero timo ohelni kata puro ma medogi pesa nikech sirkal ok chulgi misara maber. Ber mondo okony Jopuonj kar Yanyogi to kendo Jorit sikunde bende oti tichgi eyo makare.Somo makaluo pod biro dok chien ahinya kod kaka Joluo paro eyor tiego nyithindo.

In kaka Janyuol nyathi mi nyathi gik ma beyo mag somo.Ket chik motegno ne nyathi obed kod kido mar tich matek kuom gik ma Jopuonj nyise eyor Puonjruok. An awuon awuoyo kaka ngat mane ose bedo Japuonj e okang ma opogore opore kendo angeyo gima wacho ni chuth.Wabed uru kod chuny mar timo gik mabeyo epinyni makelo dongruok ne piny mangima to chutho e pinywa maka Luo.maeri ekwayona Joka Nyanam. Amedo mana Jiwo weche Jandiko Apolo Anyango.

Ka oponi ok imor kod weche ma awacho to wabed mana kod konyruok eyo makare kod mwolo maok ayany. Jaluo dot kom ne ok ochake mar yanyo ngato.Yawa ma koro nikod ayenje madongo ahinya gin yawa ma osiko mana kod dho Sungu nikaeri ema gidwaro nyiso godo ka gi ngeyo ndike kendo yanyo godo jowadgi. Piny Owacho okwedo wachni chuth kendo owachoni Oyoo! Maok en gima ber wabed uru kod Luor (respect) kod Puonjruok kod Mwolo maok ngato achwanyore kod wadgi.Maeri en ekido ma idak godo kod ogandawa kata oganda ma moko.LUO KITGI GI TIMBEGI.

Nyasach Omogi Awando Otenu Uduto epiny Mangima
Jandikoen
Odhiambo Omolo Jakamagambo (Kodero Bara).