Date: Thu, 11 Jan 2007 10:31:34 -0800 (PST)
From: ndebele okoth revgeorgeoo@ . . .
Subject: Re: Siasa ma nono ketho piny Luo Nyanza

Amosi Dave,
  Kadipo ni a kosa to iyie ing'uon na, to gima daher penjo en ni !
 
  Dibedie ni in e Dave Arunga masani aide mar Raila wuod Oganda koso ?
  Ma or Eng MP Philip Okundi Koso ? In Jakarachuonyo mane ja KANU ndalo Moi cha koso ?
 
  Dibedie un e oganda mane yamo kata owula mar NDP/KANU merger okelo kuomwa kaito ogolo joma ne othagore kod Jaramogi oko kuom wuode maniluongo " Jo-stomach reformists"  koso ?
 
  Dibedie ni in ema ne itiyo kod rowerini morodho Dimba Jakobuya, mane aide mar Jaramogi kaoto bang'e obedo aide Raila  e dala mar Nyorobi  koso ?
 
  Dibedie ni in ema ne ioro kijande mag LDP hinga May 2005, mane owuok office LDP Kisumu, modhi ogoyo jodong luo Ofafa, min anega, machadho  Ker Manyakach Mzee Enos Oyoo kod ojala koso ?

  Kadipo ni en in to winja daher ng'isi, ni an newan "Jo ting' ndai" mar Mosolal
Jaramogi, kendo nene atiyo machiegni ahinya kod Dimba Jakobuya, masani thagore malich Nairobi Streets koru, wan ema ne watayo Jaduong' kod Jaramogi Matin, owad gi George Opondo mapod ni kod Raila sani.

  Nge'ny jowa ose tho, modong' to gi jo kwecho e street, kendo Jo-Stomach
Reformists, mane NDP/KANU merger okelo, nene obiro kod pesa mathoth ma oumo wang' wuod oganda mane orimbigi ka guogi ka Jaramogi. Kendo nyaka sani, pod Jo-Stomach Reformists, luongogi ni athoke kato joma onego orodhi aradha, maka Jaramogi ochung' e oa e piny joma otho to do owurie kaka lange thangoro.
 
  An ema nene waluongo Raila 1995 moyaw Kanisa mara Nazerene, e dala mar Alendu Kobura, kaoto kiny PC ogolo wach ni nyaka jo Nazarene gola oko kuom kelo Jachien e kanisa, dalono ne in e Kanu,kadipo ni Dave Arunga maparani ne ni e  Kanu kendo osiep PC Kaguthi.
  An ema nene walamo e Thika Stadium, e chuny lweny mabek, kawabaro FORD-K, waketo wuod oganda e telo, ma Kajwang' nyakwar nyakwema ne osomo chike miketo wuod oganda e kom, kod Dr Athu wuon Awiti, owad Ojala, to Dave Arunga maparoni ne ni kod Saititi e Kanu.
 
  Omiyo, Raila ong'eyo ni thuondi wasewito mathoth e lwenyni, to ok rach, kata
joma nene okedo ne Uhuru ok ne ochamo, to Jo-Stamach Reformists ema neno ber.  
 
  Wan pod ka wayudo loch, pod wadware, to sani kaka LUOCOME in diaspora. Raila wamiyo lwedo kaka Jaluo, kendo wabiro konye dwaro loch, kuchwa en godo. To Jo-Stomach Reformists, kik tem kelo weche mag loro lalruok e kind oganda luo, eweche mag Siasa, ni giluongo ni "SIASA MA NONO KETHO PINY LUO NYANZA", onego giwach ni "SIASA MA JO-STOMACH REFORMISTS KETHO PINY LUO NYANZA"
 
  Mogik, aduoko wachni nimar en wach mochika tir, omiyo nyaka arom mana kode akor ga kor, kendo nenore ni ok ing'eyo ni, Wuon Abila yande ose wacho ni en OCHUNG' KANDO, koro in bende CHUNG' KANDO, gari ni biro bironyumi wuod Karachuonyo !
 
  Kadipo ni ok en in Dave Arunga no, to yie ikow  wachni, mondo Dave mondiko no ong'eni wan Jo-Jaramogi mapod ngima wan pod wan kuma nene owewa cha, kendo pod wakedo dwaro ne Jo-luo piny. To wuode mane owewa godo to ok orwakowa. Jo-Stomach Reformists okawe, omiyo thuondi monotho kaywango Jo-luo neno e wang'wa, kendo wan gi TORA E NG'UTWA !
 
  Oriti, en,
  Jadolo Okoth Otura; LUOCOME Canada;
 

         
From:  "Wuon Abila" wuonabila@ . . .
To:  "ndebele okoth" revgeorgeoo@ . . .
Subject:  Wuod Luo Kwe kende!   
Date:  Tue, 9 Jan 2007 01:14:03 +0100  

 Jadolo kik wadhaw e mbui dipo ni kata wan wede, kik waket weche
 mag dhawo e kor yamoka. Dhi mos nungo piny kirom! Tija to kik chachi wan mana jolam loka koni. Siasa e yo ma kare to ber, mak mana kik mede g'ariyo! Mano ber ka isebiro e parliament ma Switzerland. Kanyo idhiye gi yawuoyi monyalo kendo monyono buk, anto pok adhiye awinje awinja.
 
  Mathayono to ja-yadha kendo walalore kode eyore mathoth. Thumbe Luo to watemo loso ne jopiny.
 
  Anto koro asebedo kando dhiuru mana nyime gi siasa, email mag ogandagi ema iyie kik iorna. An ok an JALUOCOME! Dho-fuot fuot bende ok abere ahinya, bet somba orem!
 
  Kwe kende Ja-Kabar!
 
  Wuon Abila



 
David Arunga d_oarunga@ . . .  wrote:
         
  Wuon Abila,
  Gigo ma ituomo odonjo ewan'ge chutho, onge ma damedi. Erokamano kwom wich maliw.
  Dave