Jakom's Project - Joluo Man Oko dwaro ni Otang'

Joka Nyanam,

Oganda mar luo sani owuok oko ahinya eyor konyo Jakom goyo lweny masani dhi nyime. Mak mana wach moro nitiere ma akwayo ni mondo jowa opuonjre. Nikech wanyalo paro ni watiyo matek to kara waketho. Jowa moko ok riek to nikech gik ma gitimo ok nyalo konyo jakom maber. Koro ne agombo ni kaber to wapuonjre uru.

Sani wange'yo ni Jakom pod dwaro ni mondo ODM oyiere kaka e wuowi ma biro dhiyo elweny kod migosi kibaki. Mi wach maduong' moloyo sani en ni ka nitiere yo moro amora kata obed wach mar pesa, to onego tim e nying Jakom. To nitiere oganda mag luo ahinya apinje ma oko ma ok ongeyo pogo wechegi. Onge kaka nga'to sani nyalo luongo solro moro amora e nying ODM ka ae to omiyo Jakom pesa ma osolgo. Magi weche ma biro kelo tulo e kind jogo malaro telo e ODM to kendo biro ketho nying Jakom. To nikech wadwaro jogo duto matiyo kod jakom obedi e twech achiel nyaka dakika matung' ma ka nitiere wach moro manyalo ketho bedo gi e achiel to mondo kik wuog e kindwa. Wanyalo paro ni wakonyo Jakom to kara waketho.

Eee jakom pod biro dwaro omuom kendo mana ahinya ka ose yudo kom mar ODM, to sani to nga't man kod paro mar solo ne wuodwa ni to ochome mana tir gi nyinge..

An Migosi,

Odhiambo
USA