Siasa ma nono ketho piny Luo Nyanza

01/09/2007
GRANTS ARCHIVES AGAJA KUYO BARUPE WECHE DONGRUOK MBAKA NONRO JEXJALUO NGECHE LUO GI GWENG' THUM TEDO LUO KITGI GI TIMBEGI SIGENDNI LUO THUOND WECHE ;	Siasa ma nono ketho piny Luo Nyanza En puoch gi pak ne jogo duto malimo abich mbaka kendo ne jogo matemo golo pachgi kuom weche matimore pacho, mak mana wach moro ok dhi maber eweche ma ji ndiko e kor yamo kae, siasa masani ji goyo e mbui osebedo kaka ayany ne joma moko kendo luor koro onge kata matin. Atimo mos mar wachoni jomoko internet opoyo omiyo ginyalo thoro wuoyo awuoya ma ok gi ng'iyo nito ere gima inyalo wach ne oganda gi mago ma ok onego wachi. Ne Jadolo Otura gi lange ma moko nitie joma ok ohero weche moko ma undiko omiyo temuru yiero nito en ng'at ma nade ma wechego nyalo winjore negi maber. Nitie weche mathoth minyalo lose, ok en mana siasa, Raila, Ker mar Luo, ODM gi ma moko! Weche machal gi magi ema yande oketho riwruok mar Kiseru koro sani usekele e Jaluo dot Kom. An awuon ok an ja-siasa kendo bende ok adwar bedo achiel kuomgi omiyo yie ulokie yor twak e mbui kendo ukel weche mag dongruok e piny Luo. Sani chandruok thoth pacho madwaro jogo ma chalo kodu to ka koro ubukoru mana gi siasa! Ere kaka wabiro yudo resruok pacho? Thoth jogo modak e pinje maoko thoro loso e weche siasa ma Kenya to kata ombulu to giongego, koro kata Raila ubiro gone ombulu gi dhou koso gi Email? Ng'ato ka ng'ato nigi tije, ok inyal bedo ni ing'eyo duto! Kain japur to pur ema lando nyingi, kain japuonj to puonj ema lando nyingi, ja-siasa, jadolo, laktar, jakuo, janeko bende kamano...! Joluo osomo mang'eny to sani koro gitugo gi sombgi. Ere gima Ker mar Luo konyowago? Obed Riaga, Oselu kata ng'a! Waweuru wuondore gi weche moko ma onge kuma ochomo! Ne jogo man gi itgi to owinji ne jogo ma itgi odino to mondo osiembegi gi lwedo kata ogonegi oporo dipo ka giwinjo! Mogik gima duong' matemo wacho en ni nyaka waluorreuru kendo wami jotendwa luor moromore kodgi, weuru kawo Raila kaka gir tugo. Kata kech ema owuok Nyanza to ni Raila, kata pi ema opong'o piny Kano, Nyatike gi dir Nyakach to nying' Raila ema iwinjo ka iluonge, joma moko to kare timo ang'o? Sani ndara madhi Katito okethore koro dak upenj Nyachae wuod Nyandusi? Kata Kibaki? Ogello Mak'Okullo ===================================================== Joluo.com Ka in gi mari moro ma di wandik ka to orni Akelo nyar Kager, jaluo@jaluo.com Daher winjo dwondi in bende, iwinjo?	IDWARO TICH? INJILI GOSPEL GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. WENDO MIWA PARO OD PAKRUOK

Siasa ma nono ketho piny Luo Nyanza

En puoch gi pak ne jogo duto malimo abich mbaka kendo ne jogo matemo golo pachgi kuom weche matimore pacho, mak mana wach moro ok dhi maber eweche ma ji ndiko e kor yamo kae, siasa masani ji goyo e mbui osebedo kaka ayany ne joma moko kendo luor koro onge kata matin.

Atimo mos mar wachoni jomoko internet opoyo omiyo ginyalo thoro wuoyo awuoya ma ok gi ng'iyo nito ere gima inyalo wach ne oganda gi mago ma ok onego wachi.

Ne Jadolo Otura gi lange ma moko nitie joma ok ohero weche moko ma undiko omiyo temuru yiero nito en ng'at ma nade ma wechego nyalo winjore negi maber. Nitie weche mathoth minyalo lose, ok en mana siasa, Raila, Ker mar Luo, ODM gi ma moko! Weche machal gi magi ema yande oketho riwruok mar Kiseru koro sani usekele e Jaluo dot Kom.

An awuon ok an ja-siasa kendo bende ok adwar bedo achiel kuomgi omiyo yie ulokie yor twak e mbui kendo ukel weche mag dongruok e piny Luo. Sani chandruok thoth pacho madwaro jogo ma chalo kodu to ka koro ubukoru mana gi siasa! Ere kaka wabiro yudo resruok pacho? Thoth jogo modak e pinje maoko thoro loso e weche siasa ma Kenya to kata ombulu to giongego, koro kata Raila ubiro gone ombulu gi dhou koso gi Email?

Ng'ato ka ng'ato nigi tije, ok inyal bedo ni ing'eyo duto! Kain japur to pur ema lando nyingi, kain japuonj to puonj ema lando nyingi, ja-siasa, jadolo, laktar, jakuo, janeko bende kamano...! Joluo osomo mang'eny to sani koro gitugo gi sombgi.

Ere gima Ker mar Luo konyowago? Obed Riaga, Oselu kata ng'a! Waweuru wuondore gi weche moko ma onge kuma ochomo! Ne jogo man gi itgi to owinji ne jogo ma itgi odino to mondo osiembegi gi lwedo kata ogonegi oporo dipo ka giwinjo!

Mogik gima duong' matemo wacho en ni nyaka waluorreuru kendo wami jotendwa luor moromore kodgi, weuru kawo Raila kaka gir tugo. Kata kech ema owuok Nyanza to ni Raila, kata pi ema opong'o piny Kano, Nyatike gi dir Nyakach to nying' Raila ema iwinjo ka iluonge, joma moko to kare timo ang'o? Sani ndara madhi Katito okethore koro dak upenj Nyachae wuod Nyandusi? Kata Kibaki?

Ogello Mak'Okullo