Wach Ojanga thuon wuod Asego BER to RACH !

Ne Ojanga wuod Asego !
Awinji wuod thuon ! Makmana Jodongo wacho ni nyiero mitamo e ma mit, kendo weche mibadho bedo kuoth kata kelo sigu.

Raila Amolo Odinga wuod oganda en wuodwa to kadiponi wach moro omako joge to ber mondo oketie elala moloyo kuodho Raila piny piny. Nimar an aparoni Joluo ok kony Raila kata joka Odinga, gi tiyone Luo kotelne gi kod Raila Odinga. Bende onge nga'ma Raila ose dhi ogolo eode ni bi mondo ikonya lweny. Waduto wawuok oko mondo wakonyre kod Raila mondo wakel konyruok ne Luo.

Kuom mano Ratego ! Kik mondo jomoko obed ni gin e RAILA GRADE 1 kaoto koro ilaro bedo but Raila kod weche mag in ISE GOLO ADI MIKONYO GODO RAILA ? BENDE ING'EYO NI AN GI SIMB RAILA ? AN EMA ANDIKOGA NE RAILA INVITATION MAR BIRO LOKA KA ? ABIRO KETO YUDHE RAILA MONDO ORODHI ? AN EMA IDHI MIYA OTIKO ? Oyoo wuod Asego, mani to wakwero akwera elela.

In isetimo mathoth ne Luo, ndalo mane piny lich maka oneni gi Raila to mano en seditious to in nene imako nwa Europe. Kendo in ema ikuongo kelo kony mathoth e Jaramagi Odinga Foundation. Nene ikelo Computers epiny luo duto tete. Ma wan ema nene wapogo Computers e Skunde mag luo.

Mago nene itimo ne Luo. Wach malit en kanene ochopo saa chiemo to joma chalo kodu nene MATUMBO REFORMISTS okiro oko. Magi Ratego wan wabiro wacho awacha!

Mogik, Jatelo nyaka siem, kendo nyaka kwere kama odhi marach! Raila en Jatendwa to kalange dhi marach kata timo timbe maricho: Kaka rudho jodongo moti kod nying Raila! Bende ding'eye ni Dimba Jakabuya, aide mar late Jaramogi nene orodhi kod yudhe mag Raila enyim Susan chi Jaramogi kod Alago wuon Riala, min anega Kisumu Stadium 2005? Sani othagore Nairobi street.

Weche thoth Ratego wuodwa no to samoro wiye wil kod lange. Omiyi sani wan wakonyo goyo lweny mar Luo ok mar Raila. Kendo wamiye teko mondo oked ne Luo, to nyaka wang'ise timbe mamono mawanene.

Omiyo an to daher mondo Joluo owuo awuoya. Mani ekwayona machiwo ne Nyar Kager. Wewa wakithre kaeto bang'e wabiro mosore.
Ndebele Okoth