Ker en achiel kende e piny Luo

Wach mar Ker mar Luo odonjo e chunya ma omiyo awito dho ngere piny mondo watem wawinjre uru. Thuol dhi donjo e i ko kaendi.

Agoyo mos ma kende ni Jaduong' Oselu Nyalik kuom lal mar jaode mosenondo Mikayi Ruth Flossy Oselu. Kendo agoyo mos ma kende ni Migosi Modi kod jaode kuom lalo Mama.

Nyaka nene, Luo kitgi gi timbe gi, Luo nene puonjre sach liel, kata ka nyadhi moro nitie. Luo ok chal kod jo watende makata ng'ato dhi bam, to ok kwere. Nyaka wakwer re eka wager re.

Nyocha asomo oboke moro ma wacho kaka nyocha osidh Jaduong' Oselu Nyalik osimbo mar Ker mar Jo Kano. Adagi wachni. To kod gimo miyo.

Nyikwa Ramogi, daher mondo uwinja maber, nikech Jaduong' Oselu nikod liel sani. Koro yawa moko kik kaw andiko ni ewiye wiye.

Keto Jaduong Oselu kom ni en Ker mar Jo Kano en achiel kuom yore mag pogo Luo. Ne yawa moko otemo 1966 e Limuru Conference kane gibiro kod chik mar keto vice presidents e migawo ka migawo mar Kenya. Kendo ne giriwore gi piny owacho mi giketo vice president ma Nam Chumbi, vice president ma Ugwe, vice president ma Milambo, vice president ma Piny Madiere, kamano kamano.

Gima ne mosenindo JT Mboya kod lange otimo ne ni mondo gi ng'ad lwet Jaramogi, kendo mondo gidwoke e okang' ma mwalo e weche telo. To tim adhogani ne omuoch. Jo ngere wacho ni ne o 'backfire'.

Sani kendo waneno tim adhoga machalo gi manee 1966. Sani to koro ithuwo kode Luo, mondo wagore wawegi.

Luo ni kod Ker achiel kende, ma en Moluor Meshack Riaga Ogallo. Onge kaka wanyalo yiero ker moko matindo tindo ei Luo. Ni Jaduong Nyalik en ker mar Jo Kano! Jo Yimbo be bo buogre ni wayiero Ker marwa. Jo Alego bo timo kamano. Jo Ugenya okan dong' chien.

To Jo Karateng, thur gi Ogaye Odundo matayo kom LUOCOME be bo hedhre ni giyiro Ker margi. Gikone ni wabo pogre kaka oganda Luo, nikech wadhi bet kod Keche mogundho e gweng' ka gweng'.

Kata ka lit machuer remo, Joluo nyaka tamre wachni. Wach mar kelo piem ei oganda Luo. Jaduong Oselu Nyalik bende oromo, to ok onyal bet Ker ka Luo ni kod Ker machielo. Onyalo bet Jaduong' gweng, kata achiel kuom joma tayo Ker mar Luo. To mondo opidhe osimbo, en guro kodhi mar richo ma biro mieno Luo, kendo biro kelo miero mathoth.

Yawa moko mandiko thore nyacho ondiko ni Ker Meshack Riaga Ogallo en 'self imposed' kuom Joluo. To joma ndiko andike gi gin jodongo ma onego bed ni ong'eyo sigand Luo maber. Jothurwa, ok ne uneno ka isidho Meshack Riaga Ogallo osimbo mar Ker alanga e Kisumu Sports Ground?

Ma ne en nyasi ma ratipo ma Luo te ne mor godo kendo nyakalendni te ne olande. Omiyo abuok ka jomoko luongo Ker Ogallo ni self imposed. Magi e kodhi maketho Luo. Kodhi gi bende ne oluonga ni an Jamwa.

An kaka Odhiambo wuod Oketch, an Ja Luo gi kukune te. An Wuod Kanyinek ma ang'eyo nonro mara nyak achop kuom Ramogi. To sani an bende adwaro telo mar piny e council, omiyo nyaka adimb wach abidha. Ok anyal neno ka kodhi moro pidho nyiego e kind Luo to aling. Mano ok koth telo.

Nyaka yawuot Luo madwa telo yangre kendo gikaw okumba gidhi e lweny. Sani ok en sa mar keto joma tindo tindo keche mag Luo. Sani wan kod lweny mang'ongo ma ok onego ng'ato bolnwa aidha e yo mondo omonwa hawo mwanda. Aithe gi ber ka wagweyo mabor, kata gin kijande, kata gin jondongo. Nikech ka gin jodongo, to gin jodongo ma obayo nyong'. Gionge kod puonj kata achiel.

Jothurwa, oyundi ipogo gi tin ne. Omiyo Ker achiel ma wangodo sani, en ema ota Luo ka wakonyo Amolo wuod oganda kawo loch mar piny.

To ka bad satan dhi riewo e wi Amolo, to bad satan no ema mondo wang'ad, kik wamiye thuolo. Miriambo kod weche angat minwoyo dhi ketho Luo. Owino Misiani mayand chogo weche to yand ose wewa. Koro nyaka wane kaka wanyalo chogo jodongo madhi ketho Luo kod weche mag angat gi.

Eke mbase gi mondo olos kodgi?

Lets not loose sight of the goal. Lets remain focused to help Ker Marwa, wajiwe uru, kendo e bwo Kerno, waung uru Amolo lwedo. Kik ng'ato dong' chien. Wawuog uru wate, dhano pep pep, mondo wadhi wago ni Amolo ombulo.

To Ker ma thoyayegi, to adagi.

An Odhiambo wuod Oketch, ma wuod Ochieng' , ma ka Mugwala, ka Oure, ka Abang'a, ka Amenya, ma nyakwar Nyinek.

An Jaluo ji kukune t