Pod en mana Joluo ema odhirie moloyo Jo-Kenya duto tete

Mani en wach malich ahinya ka oganda luo ema odhier, ema ayaki nego, ema onge somo maber moloyo ogendni duto tete sani e Kenya, kendo Jo-Luo tho kod higni 41 kende. (UN REPORT)

Mano ng'iso wa ni piny luo biro dong' nono maonge dhano kuom kinde manok. Kare onego watim ang'o kaka oganda luo? Koso wakoso ang'o kaka oganda luo?

Wan kaka Jo-luocome, wase dwaro mondo wayud MAJIMBO KATA SUCCESSION, nimar thagruok marwa en gima sirkal nene ochano chon ndalo mane nene WANYANG'AUS (Kenyatta/Kibaki nene oloso sessional paper 65, kama nene oketie ni mwando duto mag luo itero Nairobi). Kendo nene giloso ni Luoland kod Northeastern gin pinje maok bed kod mwando, ma mwando duto man kuonde go nyaka ter mana e Central Government.

Obed rech, pamba, niang' duto weche gi iloso mana Nairobi. Wan ema wadhier to wan ema wachulo kodi (Taxes) moloyo Provinces mamoko makmana Nairobi. Lich ndi! Wan ema wadak Kibira, Mathare, Korokocho ETC.

UNITED NATION sani ose golo weche Joluo mathoth ahinya, to jowa motelo esiasa to odich kod wach mar Central Government compaign leadership bid. Kar mondo gi chun Jokuoye(WANYANGAUS KIBAKI GOVERNMENT) gi mondo okel Majimbo kapok wadhi e yiero 2007, to ok gi ne.

Sani Jo-lang'o, odok e thagruok, kendo Moi gi Biwot ok nyal konyo gi to ne gibet e sirkal higni 23, ka gikwalo kendo ginego Jo-Luo, koro gin bende giywak.

Ere gima omiyo Jo-tendwa paro ni kata ka wayudo telo mar Central Government, to dhier dhi rumo? Wana dong mana chien bang' telo nogo.

Omiyo tieko wach THO, DHIER, DOK CHIEN ESOMO KOD MAUNDU E LUOLAND en mana kelo MAJIMBOISM SANI.

Ongwedhu Jo-Nyanam !
Jadolo Okoth Otura,
LUOCOME-KANADA


=====================================================

 
Joluo.com

---

Akelo nyar Kager, jaluo@jaluo.com